وزنى نزل بدون ريجيم ولا حرمان

السلام عليكم ورحمة الله وبركاته

زى العنوان كدة الحمدلله وزنى بنزله حاليا بدون حرمان ولا ريجيم

الموضوع بدأ ان زوجى حصله انزلاق غضروفى

وكان مقرر لية عملية

لكن احنا قولنا لا
هنتبع العلاج الطبيعى
ويخفف وزنه
ودة كان اهم حاجة
لأن للأسف من ضرائب الغربه
زيادة الوزن
المهم

كل اللى عملته
منعت السمنه والزبدة من أكلى نهائى
وكل انواع الدهون
وبستخدم زيت الزيتون
ولازم مع الغدا طبق سلطة كبير وفى العشا اغلبه خضراوات
بدل السمك المقلى يبقى مشوى
مفيش مكرونة خالص حتى لو عملتها يبقى كمية بسيطة جدا
بقيت استعمل العيش والتوست السن وبالشوفان بدل العادى
ومفيش اكل بعد الساعة 8
لان برضة من اسباب زيادة وزننا ان ميعاد شغل زوجى متاخر فناكل ع الساعة 1 بالليل وننام على طول
فقللت النشويات والدهون وكترت من الخضار والفاكهه والماية
وماشاء الله انا خسيت 11 كيلو
طبعا عاوزة انزل زيهم كمان مرتين [ندعوك للتسجيل في المنتدى أو التعريف بنفسك لمعاينة هذا الرابط]

وزوجى نزل حوالى 9 كيلو بس هو اصلا ارفع واطول منى بكتييييييييييييييييييييير [ندعوك للتسجيل في المنتدى أو التعريف بنفسك لمعاينة هذا الرابط]

وبدا يحس ان ظهرة بقى احسن بكتير من الاول

هى ممكن تكون حاجات بسيطة بس فعلا بتفرق كتير

والاحلى بقى ان كمان بقينا نصوم يوم الاتنين والخميس
وحسينا ان معدتنا صغرت خالص يادوب بناكل معلقتين او شريحة توست ونحس ان خلاص بطننا اتملت

يارب اكون افدتكم

وادعولى بالله عليكم
ان ولادى يكونوا من حفظة كتاب الله وان ربنا يوسع رزقنا
ويتم شفاء زوجى
معلشى طمعانه فى دعاكم

[ندعوك للتسجيل في المنتدى أو التعريف بنفسك لمعاينة هذا الرابط]