رجيم الدكتور محمد حجاج- احسن رجيم خسيت عليه

بعد فشل رهيب فى اغلب انواع الرجيم اللى عملتها الشهرين اللى فاتوا
عرفت ان اللى فات قديمه تاه
و قررت ارجع للرجيم العظيم اللى [ندعوك للتسجيل في المنتدى أو التعريف بنفسك لمعاينة هذا الرابط] عليه 16 كيلو فى شهرين

انا الحمد لله جربت اغلب انواع الرجيمات اللى فى النت
وبعد جرى من رجيم بيخسس 2 [ندعوك للتسجيل في المنتدى أو التعريف بنفسك لمعاينة هذا الرابط]
و رجيم بينزل 8 كيلو فى اسبوع
و رجيم كيميائى
و رجيم بروتينات
و كلها رجيمات بتدمر الجسم و بنزيد بعدها كل اللى خساناه و زيادة

اكتشفت ان الرجيم الوحيد اللى خسيت عليه بجد و مرجعتش اللى خسيته هوا [ندعوك للتسجيل في المنتدى أو التعريف بنفسك لمعاينة هذا الرابط] المحتوى على كل العناصر الغذائية

و احسن رجيم منهم كنت عملته بعد ما خلفت ابنى الكبير عند دكتور محمد حجاج - هوا عنده عيادة فى الزمالك و بيروح عيادة خيرية فى جامع مصطفى محمود اللى فى جامعة الدول ( بتاع احنا اسفين يا ريس [ندعوك للتسجيل في المنتدى أو التعريف بنفسك لمعاينة هذا الرابط])

المهم مش هطول عليكم

الرجيم يصلح اثناء الرضاعة و سهل جدا فى الصيام

و عبارة عن ست مجموعات

هنختار حاجة واحدة من كل مجموعة
و نوزعها طول اليوم زى ما نحب
و حديكم امثلة بعد ما اكتبه
و ازاى تنوعى فى الاكل عشان متزهقيش

300 مللى لبن خالى الدسم (كوب و نصف)
2 كوب زبادى خالى الدسم

ثلاثة ارباع رغيف بلدى (خبز اسمر) = 3 توست رجيم
3 ملاعق ارز مسلوق
3 ملاعق مكرونة مسلوقة

قطعة لحم مشوى او مسلوق (100 جرام لحم بتلو بدون دهن)
ربع فرخة مشوية او مسلوقة (صدور فقط بدون جلد)
2 سمكة بلطى صغيرة
قطعتين جبن قريش كل قطعة فى حجم البيضة
علبة صغيرة تونة دايت او مصفاة من الزيت و مغسولة بالخل

بيضة مسلوقة
قطعة جبنة قريش

كل انواع الخضراوات بأى كمية
(طماطم - خيار - ليمون - خس - جرجير - بامية - فاصوليا - كوسة - ملوخية - قلقاس ...)
ما عدا البسلة و الفول و اللوبيا و البطاطس
و الجزر مسموح بواحدة فقط غير مطبوخة
يعنى متحوطيهاش فى شوربة الخضار ، قطعيها على السلطة او كليها لوحدها

تفاحة
برتقالة
3 ثمرات يوسفى
طبق بطيخ 500 جرام
موزة
واحدة مانجو صغيرة
3 شرايح اناناس
1كيوى
1جوافة
300 جرام فراولة

(اى فاكهة ما عدا العنب و التين فى حدود 80 سعر)

2كوب زبادى+ثلاث ارباع رغيف+ربع فرخة+بيضة مسلوقة+خضار+واحدة فاكهه
هقسمهم طول اليوم كالاتى
الفطار: ربع رغيف + بيضة مسلوقة + واحدة زبادى
سناك: طبق سلطة او عصير ليمون بسكر دايت او طبق خضار اى نوع
الغدا : نص رغيف + ربع فرخة + خضار + سلطة
سناك : طبق سلطة او خيار او خس او جزرة او شوربة خضار
العشا : زبادى + فاكهه

كوب و نص لبن+3 معالق ارز +قطعة لحم + جبنة قريش+خضار+موزة
هقسمهم كالاتى
الفطار:جبنة قريش مع سلطة + شاى بنص كوب لبن خالى الدسم
سناك : طبق سلطة او عصير ليمون بسكر دايت او طبق خضار
الغدا: 3 معالق ارز + قطعة لحم + خضار + سلطة
سناك : عصير موز بلبن بسكر دايت ( ممكن جوافة بلبن او فراولة ... الفاكهه بتاعتك اعمليها عصير)
العشا: سلطة او طبق شوربة خضار

اى اختيارات تعجبك ووزعيها زى ما تحبى

1-فى حالة الرضاعة يضاف معلقة عسل نحل + كوب لبن خالى الدسم + حبة فيتامينات و يفضل فيتامين ميترنا و نلغى الزبادى
يعنى تاخد كوبيتين و نص لبن فى اليوم و مش هنختار الزبادى
و لو اللبن قل بعد يومين فى الرجيم هنضاعف البروتين (اللحمة او الفراخ او السمك)

2-الفراخ لااااازم تكون بدون الجلد قبل التسوية
يعنى ناخد صدر الفرخة و نشيل الجلد و بعد كده نسلقها او نشويها او اى حاجة
و لو سلقناها الشوربة بتاعتها مسموح بيها طول اليوم باى كمية و ممكن تطبخى كل الاكل بيها
و لازم صدور

3-ممنوع كل مشروبات الاعشاب ، ولا بقى وجع البطن بتاع الكمون و الليمون و القرفة بالجنزبيل و التلبيخ اللى بنعمله
الرجيم بيسحب الدهون من الجسم تدريجى عشان اكلك كلع من غير دهون ف مش هتحتاجى تاخدى مشروبات من اللى بتسيح الدهون

4-الليمون و الخل و البصل و الفلفل مسموح بيهم باى كمية
يعنى كل ما تلاقى نفسك هتعكى و فتحتى التلاجة اعصرى ليمونة على كوباية ميه ساقعة و معلقتين تلاتة سكر دايت و اشربى عصير ليمون
اهو منه فيتامين سى ينور وشك

5-اللحمة ممنوع تماما الضانى لازم بتلو و من غير دهن تماما ، يعنى تشيلى الدهن كويس قبل ما تسلقيها
مش تسلقى اللحمة و بعدين تنقى حتة من غير دهن ، بتكون شربت دهن من الشوربة
تتسلق كلها من غير دهن
و الشوربة بتاعتها مش هنشرب منها و لا هنطبخ بيها
اطبخى منها لجوزك و العيال بس [ندعوك للتسجيل في المنتدى أو التعريف بنفسك لمعاينة هذا الرابط]

6- طبعا كل الطبيخ بدون اى سمنة
خدى شوربة الفراخ و حطى فيها طماطم مضروبة فى الخلاط و الخضار اللى يعجبك و ملح و فلفل ، (كوسة - فاصوليا - بامية - قلقاس)
و الملوخية حطيها فى الشوربة تغلى غلوتين و متحطيش طشة بعدها ، جربتها و طلعت حلوة جدا
خدى شوية ليكى على جنب فى حلة صغننة و بعدين اعملى الطشة لباقى الملوخية عشان جوزك و العيال

1-كوسة مقطعة + فاصوليا مقطعة + طماطم مضروبة فى الخلاط + شوربة فراخ + بصل و ملح و فلفل
اسلقى كله على النار هتعملى حلة كبيرة و كل ما تجوعى تاخدى منها طبق
و ممكن تحطى صدر الفرخة بتاعك فيهم

2- مفيش وقت تسلقى فراخ و عاملة صينية بطاطس ولا حتى محشى ، خدى شريحتين صدور فراخ من اللى بنعملها بانيه و اسلقيهم مع بصل و ملح و فلفل و حبهان و تشربى من الشوربة براحتك
و سيبى المحشى اوعى تجى جنبه [ندعوك للتسجيل في المنتدى أو التعريف بنفسك لمعاينة هذا الرابط]هعضك

3- قطعى صدر الفرخة بتاعك شرايح زى الشاورمة مع طماطماية و فلفل رومى و بصلة و ملح و فلفل و حطيهم فى اكياس حرارية من بتاعة الفرن او فى ورق فويل و معاهم شوية صغننة ميه و سيبيهم حوالى ساعة الا ربع فى الفرن ، او فى صينية على البوتاجاز و غطيها و سويهم سوا

و اللى تعمل اكلة جديدة تيجى تقولنا

الرجيم بينزل اول اسبوع من 3 الى 5 كيلو و بعد كده 2 كيلو كل اسبوع

و انا ان شاء الله هبدأه بكره و هروح اعمل جروب دلوقتى اللى عايزة تيجى معايا

و يارب نخس كلنا بسرعة قبل العيد ياااااااارب [ندعوك للتسجيل في المنتدى أو التعريف بنفسك لمعاينة هذا الرابط]

اللى يعجبها الرجيم ترفع الماوس و تقيم يا قمرااااات
و يااااارب تخسوا كلكم بالف صحة