نظام غذائى للمرضع

بسم الله الرحمن الرحيم

معايا نظام غذائى للمرضع [ندعوك للتسجيل في المنتدى أو التعريف بنفسك لمعاينة هذا الرابط]الدكتور قالى انه تمام

اناوزنى91 كيلو ولسه بدئه وده اول اسبوع ليا


بقالى ثلاث ايام ماشيه والحمد لله مش بحس بالجوع


لان الجوع [ندعوك للتسجيل في المنتدى أو التعريف بنفسك لمعاينة هذا الرابط]ده كان كارثة حياتى لانى طول اليوم بحس بالجوع كل نص ساعه


احط فى بقى اى حاجه بسكوته من بتوع العيال سندوتش كده على الماشى [ندعوك للتسجيل في المنتدى أو التعريف بنفسك لمعاينة هذا الرابط]


لغاية ما خلاص قررت اعمل ثوره على شهيتى واخلعها من حياتى


ايديكوا معايا بقى لحسن دى ماسكه فيا ومكلبشه


معلش طولت عليكوا [ندعوك للتسجيل في المنتدى أو التعريف بنفسك لمعاينة هذا الرابط]


من الاخر كده الى لاقيه نفسها زى حلاتى تتفضل


من غير استئذان وتشترك معايا وطبعا طبعا تشجعنى وانا والله هشجعها


وكل اسبوع هنزل النظام الجديد وطبعا هبلغها بكل جديد


شفتوا بقى مدلعاكوا ازاى


رغايه صحيح بس مدلعاكوا


نبدء بسم الله


قبل الافطار

فاكهة الموسم


عند الافطار


بيضه مسلوقه اوقطعة جبن قريش او اربع ملاعق فول+ربع رغيف


تصبيره


كوب من شوربة العدس


الغذاء ياحلولى اكتر وجبه بحبها لانى فعلا بشبع


سلطه خضراء طبق محترم كده +2قطعة لحم مشويه او150 جرام كبده مشويه او سمكه مشويه


اوربع فرخه +خضارسوتيه+ربع رغيف اواربع ملاعق ارز


عصرا


كوب من شراب النعناع البلدى+ملعقة سكر صغيره معلقه واحده سامعه انتى وهيا


العشاء


كوب لبن منزوع الدسم او بيضه مسلوقه+ربع رغيف


قبل النوم


كوب من شراب الشمر

تعليماااااااااااااااااااااااااااااات

انا كده خلصت

ياريت متنسونيش فى صالح دعائكم


ويارب اكون افدتكم


اسيبكم فى امان الله