شيكا خليل
عدد المساهمات : 10008
نقاط : 30030
السٌّمعَة : 0
تاريخ التسجيل : 25/06/2013
 |  موضوع: وجبات الاطفال فوق 6 شهور فأكثر  الجمعة يونيو 28, 2013 12:21 am | |
|
كنت بدور كتير على النت على [ندعوك للتسجيل في المنتدى أو التعريف بنفسك لمعاينة هذا الرابط] للأطفال [ندعوك للتسجيل في المنتدى أو التعريف بنفسك لمعاينة هذا الرابط]
وعرفت بعض الحاجات الى بعملها لبنتى قولت اما افيدكم علشان فيه كتير زيي بيدورور
علشان ابنك يكبر ويتغذى ويلعب ويتنطط ويطلع عينك برضو
طبعا كلنا بنبدأ بالسريلاك وبعدين الزبادى ونحتار نأكلهم ايه لأن الطفل بعد الست شهور شرب اللبن مش كافى لإشباعه
بدأا من ست شهور بتكون وجبه واجده فى اليوم وهى سريلاك لأنه الاخف على المعده فى البدايه
وبتبتدى تطعميه تذوق الاكل مع الابتعاد عن المسكرات والحوادق
الشهر السابع بتزودى وجبه كمان ولتكن الفطار سريلاك والغدا فواكه زى الموز والعنب والحاجات المهروسه
والشهر التامن وما فوق ثلاث وجيات فطار وغداء وعشاء
طبعا بجانب الرضاعه المستمره حتى لو اخد وجيه ورضع من امه شويه
اما بالنسبه لبعض الوجبات؛
الفطار
صفار بيضه مسلوقه + مثلث جبنه لافاشكرى او بريزيدون+سنه كمون واقل من سنة الملح كله يتهرس بالمعلقه
زبادى بالبسكويت او الفواكه اللينه زى العنب او الموز او ببشر الجزر ناعم خالص
بطاطس مسلوقه + جينه فلاحى مضمونه يعنى نضيفه تهرسيهم بالمعلقه وملح وكمون
بطاطا باللبن يعنى بعد ما تسوى البطاطا تهرسيها بربع كوب لبن حليب سبق غليه وتخفيفه بالماء
يعنى لو بتغلى كوب لبن حطى عليه كوب ماء مغلى ايضا وقليل القليل من السكر والقرفه
الغداء
ملعقه ارز+كوب لبن حليب+كوب ونصف ماء حطى كله مع بعص على النار وسنه ملح او سنه سكر
على حسب ما طفلك يحب
ملعقه ارز+ملعقه عدس اصفر+ قطع جزر+ملح وكمون وتكونى محضره على النار التانيه بيضه مسلوقه
وتحطى معلقه من المطبوخ وتهرسيه مع صفار البيض
خضار بسله جزر كوسه بطاطس مع كبدة الطيور وتسلقيهم يملح وكمون ويانسون مطحون
ولو طابخه رز وفراخ حطى لطفلك فى طبق معلقه مع الشوربه وحته نسيره يعنى صدر الفرخه
او اعملي الوجبه لوحدها وليكن ارز وبسله وجزر وحته صدر فرخه مقطع صغير
العشاء
احلى ما فى العشاء يعنى لحد الساعه 10 كدا
زبادى بالجزر المبشور او بالخيار او التفاح المبشور والبشر يكون ناعم جدااا
او مثلث جبنه
او مهلبيه
مع العلم مع كل وجبه لازم تخلى جمبك الميه
وممكن بدل الميه مشروب خفيف زى النعناع او اليانسون او عصير خفيف
او مشروب بيبى درينك
لو الوجبه تقيله يبقى ميه لو خفيفه يبقى عصير
دا الى قدرت افتكره لأن دماغى قفلت خلاص تصبحو على خير
والمره الجايه هقولكم الاخطاء فى الاكل
سلام
| |
|
hayemfr
عدد المساهمات : 23234
نقاط : 69351
السٌّمعَة : 7
تاريخ التسجيل : 28/09/2012
العمر : 41
| |
فقدت كلمة المرور؟
فقدت إسم العضوية؟