شيكا خليل
عدد المساهمات : 10008
نقاط : 30030
السٌّمعَة : 0
تاريخ التسجيل : 25/06/2013
 |  موضوع: صوابع زينب المقرمشة باسهل طريقة & صوابع زينب بالمكسرات من مطبخي ان شاء الله  الخميس يونيو 27, 2013 2:34 am | |
|
اللهم صل وسلم وبارك على سيدنا محمد
السلام عليكم ورحمة الله وبركاتة
ازيكوا اخواتي الغاليات يارب يحلي ايامكم ويسعدكم في كل وقت وأوااان ان شاء الله
موضوعنا النهاردة [ندعوك للتسجيل في المنتدى أو التعريف بنفسك لمعاينة هذا الرابط]
باسهل طريقة ان شاء الله
وبصراحة لما دوقتها مش كنت متوقعة
ان طعمها حلو كده
وطلع طعمها مختلف ومميز
وسبحان الله غير اي حلوى شرقية
وطبعا اول حاجة نعملها الشربات
عشان يبرد الشربات التقيييل
كوب مية + كوبين سكر
وعصير ليمونة
اضافات اختيارية بتدي طعم راائع للشربات
4 حبات قرنفل وعود قرفة
الطريقة
نقلب الشربات في كسرولة عالنار
لحد مايذوب السكر
[ندعوك للتسجيل في المنتدى أو التعريف بنفسك لمعاينة هذا الرابط] ولما يغلي زي كده نهدي النار خاااالص
ونعصر ليمونة ونحط القرنقل لو حابين
ونسيبه يعقد ويتقل
لمدة ربع ساعة ان شاء الله ونسيبه يبرد تماما بره
تحت مروحة مثلا بس مش نحطه في التلاجة
لانه بيبقى تقيييل اووووي
وصعب التحكم فيه ودلوقتي خلص الشربات
وده شكل الشربات وهو بارد وتقيل
ندخل بقى على صوابع زينب الامورة ههههههه
بسم الله المقادير على بركة الله كوبين [ندعوك للتسجيل في المنتدى أو التعريف بنفسك لمعاينة هذا الرابط] - نص كوب سميد بسبوسة
نص كوب زبدة سايحة او سمنة سايحة + 3 ملاعق كبيرة زيت
معلقة صغيرة خميرة بيرة او فورية
معلقة صغيرة سكر - معلقة كبيرة نشا
نص كوب مية + معلقة كبيرة مية للعجن
فانيلا - ربع معلقة صغيرة ملح الطريقة بسم الله في بولة نحط الدقيق والسميد والسكر والنشا
والفانيلا والملح
ونعمل حفرة في النص وننزل عليهم بالزبدة السايحة مع الزيت ونقلب كده بالمعلقة وبعدين نحط الخميرة والمية ونعجن
نلاقي العجينة تلمت من الجوانب
نحطها في بولة وندخلها الفرن مطفي
تخمر نص ساعة بسسسس وطبعا العجينة باين فيها حبيبات السميد
الصغنونة عشان هو ده سر القرمشة
ولما تخمر نقسمها اربع اقسام زي كده
وطرية جدااا لما بتخمر وانا كنت حاسة
انها عاملة زي المخدات هههههههه ونبرم الكورة الأولانية لعصاية ملزلزة وحلوة زي كده وبعدين نقطعها بالسكينة مخدات
قصدي قطع مربعة وبجد انا مسكتها عاملة زي المخدة فعلا وطرية ونجيب قطاعة مخلل الجزر دي
ونبطط عليها مربع من العجينة
ونضغط جااااامد عشان تاخد
شكل الزجزاج ده
وطبعا ممكن نعملها بنفس الطريقة
على مبشرة برده بيبقى شكلها جميييل اوووي
ونلمها بصوابعنا على بركة الله
ونبرمها بقى عشان تبقى صوابع زينب العسووولة ونحط كل الصوابع الاخوات جنب بعضهم اتنين اتنين
حبااايب جنب بعض متونسين وطبعا هنا الفرق بين الصوابع
اللي على اليمين لما خمر بقى كبير
والصغير هيكبر لما يخمر ان شاء الله
عشان كده نحاول نصغر صوابع زنيب من البداية
عشان هتخمر وتكبر بأمر الله ودلوقتي جه وقت القلي
واحلى حاجة في صوابع زينب
انها بتتقلي بسرعة اوووي ماشاء الله
لان الزيت بتاعها على نار متوسطة نسخن زيت ارتفاع مناسب في طاسة يقدح على نار متوسطة ونحط يجي 15 وحدة صابع زينب عشان يتقلي وطبعا ده لونها في الاول لسة بيبقى فاتح وجميييل بس لسة عايزة تتقرمش [ندعوك للتسجيل في المنتدى أو التعريف بنفسك لمعاينة هذا الرابط] ودي بدأت تاخد لون ذهبي اكتر قيموني حسب ذوووقكم يااحلى اخوااات لو عجبكم الموضوع | |
|
Pr!NcE MoDy
عدد المساهمات : 2655
نقاط : 2653
السٌّمعَة : 0
تاريخ التسجيل : 05/07/2013
| | موضوع: رد: صوابع زينب المقرمشة باسهل طريقة & صوابع زينب بالمكسرات من مطبخي ان شاء الله الجمعة يوليو 05, 2013 9:20 pm | |
| | |
|
فقدت كلمة المرور؟
فقدت إسم العضوية؟