شيكا خليل
عدد المساهمات : 10008
نقاط : 30030
السٌّمعَة : 0
تاريخ التسجيل : 25/06/2013
 |  موضوع: خسي 1 كيلو فى الاسبوع - رجيم فعال ومتجرب ادخلووو بسرعه  الأحد يونيو 30, 2013 11:39 am | |
|
النهاردة انا جيبالكو نظام رجيم كنت اخدتو من دكتورة تغذيه هنا لان الكولسيترول عندى عالى (وراثه للاسف)فالدكتور قالى لازم تظبطي اكلك ع قد ماتقدري [ندعوك للتسجيل في المنتدى أو التعريف بنفسك لمعاينة هذا الرابط]
الحمد لله انا مش تخينة بس جسمى قابل للتخن وعمالة بقي اتخن واخس حاجة تييييييييييت [ندعوك للتسجيل في المنتدى أو التعريف بنفسك لمعاينة هذا الرابط]
المهم يا بناويت دكتورة التغذيه قالتلى لو مشيتى ع الرجيم دة هتخسي 4 كيلو فى الشهر بمعدل 1 كيلو فى الاسبوع وبطريقة صحية ومن غير حرمان وبجد الرجيم حلوووو وفعال اووي عن تجربتى الخاصة وياسلام بقي لو مشيتى كل يوم ساعه او نص ساعه بجد بتفرق اووي
ولو استفادتو من الرجيم متنسونيش من صالح دعائكم وطبعا متنسوش التقيم
الموضوع حصري لفتكات عن تجربتى الشخصية ومش منقول من اي موقع تانى
[ندعوك للتسجيل في المنتدى أو التعريف بنفسك لمعاينة هذا الرابط] ودلوقتى هكتبلو كل التفاصيل ومعاها شويه ملاحظات
الرجيم دة بيدى 1500 سعر حرارى
الفطار: 6 – 7 صباحا
½ كوب حليب مع شاي او نسكافية بدون سكر (يستحسن لو الحليب يكون ليت)
شرايح طماطم او خيار او خس
1 حبة بيض مسلوق او قطعة جبن قليلة الدسم او معلقة لبنه قليله الدسم او 3 ملاعق فول بدون زيت
وجبة خفيفة 10- 11 صباحا
حبة فاكهه (تفاح برتقال او نص موزة)
½ كوب عصير بدون سكر + 4 بسكوتات بدون سكر
الغداء: 2 -3 الظهر
1 طبق سلطة (اى حجم واي كانت المكونات بس ابعددي عن النشويات والبقول زي البطاطس والفاصوليا)
1 طبق (سلطنية) خضار مطبوخ (ياريت نقلل كمية الزيت الى بيكون مطبوخ بيها)
1 طبق (سلطنية) رز او مكرونة (5 معالق اكل كبار) او ½ رغيف اسمر
90 جرام لحمه او فراخ (قطعه اد كف اليد منزوعه الدهون)
وجبه خفيفة 5 – 6 مساء
½ كوب حليب مع شاي بدون سكر واربع حبات بسكوت بدون سكر او تفاحه
العشاء 8 -9 مساء
طبق سلطة
2 حبة توست اسمر واي حاجة قلقله الدسم (جبنة / لبنة)
وجبة خفيفة 10 مساء قبل النوم
علبه زبادى مع خيار او مع تفاحة صغنونة او كوب حليب قليل او خالى الدسم
نصائح:
- لو عازين ناكل فواكه ممنووووع بعد الاكل مباشرة لازم بساعه او 2 ع الاقل
- ممنوع شرب ميه او عصير مع الاكل عشان الكرش مش يطلع
- فى عصير حلوو لحرق الدهون وهوا عبارة عن 2 كيوي + عصير اناناس يظربو فى الخلاط بيدو نتيجة حلووة
- كتري من الشاي الاخضر بيدي نتيجة حلوة مع الرجيم
- كلي الى انتي عايزاة بس بكميات قليله
- الرجيم لية بدايل كتيرررر وكل الحاجات متاحة قدامك بس ناكل بالعقل
- متاكليش اكتر من 3 بيضات فى الاسبوع (دة للناس الى الكوليسترول عندهم عالي)
- نحاول نمنع الحلويات فى اول اسبوع عشان نشوف النتيجة
- لو حسيتى نفسك فى حاجة حلوة اشربي عصير خالى السكر ولو طلبت اووي معاكي ممكن تاخدي بس قطعه صغنونه
- انا فى طريقة بعملها وبتشبع جدااا وقت الغدا هاتي طبق سلطة كبيييييييييير وحطي عليه 5 معالق رز مستوي او مكرونه وقلبيهم هتلاقي نفسك بتاكلى رز او مكرونة وفي نفس الوقت مش يتتخني
- طريقة طبخ الاكل مهممم جدااا تحاولو تقللو الزيوت والدهون ع قد ماتقدرو وع فكر ممكن تطبخي اي طبيخ بمعلقة زيت(تعصجي اللحمة المفرومة / تعملى تسبيكة الخضار/ البشامل) وصدقيني مفيش فرق في الطعم بس الفرق ان الاكل هيكون خفيف هتقولولي ولو نفسي فى مسقعه هقولك كل الحاجات الى بتتحمر فيها قطعيها وخليها الفرن هتلاقيها استويت ومن غير نقطة زيت
- واهم من كل دة الارادة يا بناااات لازم يكون عندنا ارادة ومش نظعف قدام الاكل والا مش هنحقق الهدف المطلوب انا هرجع للرجيم ابتدااء من النهاردة وربنا يسهل لو عجبكو الموضوع قيمو ومتنسوش تدعولى فى حفظ الله ورعايتو يا حلوين [ندعوك للتسجيل في المنتدى أو التعريف بنفسك لمعاينة هذا الرابط] | |
|
Admin
Admin
عدد المساهمات : 2790
نقاط : 3704
السٌّمعَة : 21
تاريخ التسجيل : 18/02/2010
| |
فقدت كلمة المرور؟
فقدت إسم العضوية؟
