تعالوا يا فتوكات شوفو الشعر الممثلين سهل ازاي (3) ...

بسم الله الرحمن الرحيم ...

السلام عليكم و رحمة الله و بركاته يا فتوكات يا حلوين .. وحشتوني اوي ..

معلهش سامحوني اني اتأخرت عليكم ... كان في بس شوية حاجات كدة في الشغل .. بس الحمد لله كلة تمام ان شاء الله دلوقتي

ده الجزء التالت من مسلسل (تعالوا يا فتوكات [ندعوك للتسجيل في المنتدى أو التعريف بنفسك لمعاينة هذا الرابط] سهل ازاي ...) المسلسل الوحيد اللي مش بيتذاع في رمضان [ندعوك للتسجيل في المنتدى أو التعريف بنفسك لمعاينة هذا الرابط]

المرة اللي فاتت كنت وعدتكم اقدم حاجات عن الكحكة و ازاي تعملي شعرك حاجة بسيطة كدة و حلوة

و في نفس الوقت متجهديش شعرك .. تعالولي يا حلوين و انا اقولكوا .... بس مننساش ان ده مخصص للعمل قصاد المحارم بس ...



بصوا في الاول لازم نتعلم حاجة مهمة ... ازاي اعمل القصة صح علشان متبقاش شبة قصة عبد الباسط حمودة .. [ندعوك للتسجيل في المنتدى أو التعريف بنفسك لمعاينة هذا الرابط]

بصي في الصورة هتلاقي انها في الاول قسمت القصة جزئين تحت و فوق ...

و بعدين لفت و سشورت اللي تحت ... و بعدين لفت و سشورت اللي فوق ..

فدة اداها volume او حجم ... وبقت شبة بتاعة الممثلين ..

[ندعوك للتسجيل في المنتدى أو التعريف بنفسك لمعاينة هذا الرابط]



ندخل بقي في الموضوع بتاع الكحكة ...



هوريكوا كحكة او فورمة شبه بتاعة العروسة كدة و سهلة سهولة التنين .. (مش عارفة ايه اللي دخل التنين في الموضوع )

المهم ...


مثلا ده شكل ... الاساس بتاعه انك تقسمي شعرك نصفين فوق و تحت ... و تقسمي اللي فوق نصفين كمان ...

و بعدين اعملي اللي تحت كحكة عادية ..
و اللي فوق .. اقلبي راسك و انفشي بالسيشوار و بعدين رجعية لورا ...
ابرمي كل جنب و لفيه حولين الحكحة من فوق زي خطوة 7


[ندعوك للتسجيل في المنتدى أو التعريف بنفسك لمعاينة هذا الرابط]


او بدل ما تبرمي ضفري ... و ادعبلي .. [ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]


و الصورة اللي جاية دي نفس الخدعة بس في مرحلة اعلي شوية صغيرة ... هتقسمي شعرك 3 مناطق فوق بعض
و كل منطقة تقسميها 3 ماعدا اول واحدة ..
يعني دلوقتي عندك بالصلاة علي النبي (عليه الصلاة و السلام ) كدة 7 كحكات ...

الثلاث اللي في النصف اعمليهم 3 كحكات ... ( بس خلي الكحكة منفوشة )

اعملي الاتنين اللي علي الجناب ضفاير ..
و لفي كل 2 حولين الحكحة بتاعتهم من فوق ...
بصي كدة ..

[ندعوك للتسجيل في المنتدى أو التعريف بنفسك لمعاينة هذا الرابط]



الخدعة التانية ... اقسمي شعرك نصفين فوق و تحت

امسكي اللي فوق بتوكة و اللي تحت بتوكة

سقطي اللي تحت من جوة اللي فوق

و رخي اللي فوق حاجة بسيطة كدة بحيث تنزل لتحت شوية ( قال يعني كأنك لمة شعرك لورا عادي ) [ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]


و نفس الخدعة ممكن تعمليها لو عملتي ديل حصان ...

و من فوق التوكة قسمتي شعرك نصفين ...

و بعدين امسكي شعرك لفيه لجوة من الفتحة اللي بين النصفين كذا مرة ...

ممكن توقفي لجد كدة و ده يبقي ديل حصان مفتكس و حليوة [ندعوك للتسجيل في المنتدى أو التعريف بنفسك لمعاينة هذا الرابط] ...

او تكملي الخدعة و تبرمي او تكعبلي الديل حصان (كاتك بتلفيه حولين بكرة ) ..

و مرريه من جوة الفتحة و بنستين و انتهي الموضوع .. [ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]


الخدعة التالتة : عبارة عن ان تعملي قطتين و تبرميهم علي بعض بشياكة ...


[ندعوك للتسجيل في المنتدى أو التعريف بنفسك لمعاينة هذا الرابط]


بصي بقي يا فتوكة الخدعة الجامدة .. فاكرة لما قولنا المرة اللي فاتت ازاي تغيري شكلك ببنسة او ribbon >>

طب خدي بقي دي ... حطي وردة ...


[ندعوك للتسجيل في المنتدى أو التعريف بنفسك لمعاينة هذا الرابط]




عاوزة تعرفي تثبتيها ازاي ,,,, بصي علي الصورتين دول كدة ....


[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]


او ممكن بدل الوردة هاتي بنسة او دبوس بيلمع و حطيه ...


اخر خدعة النهاردة هي انك تقسمي شعرك نصفين ..

ابرمي ... لفيهم حولين بعض ... (واحد هاتيه من فوق و التاني من تحت ..

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]


لو الموضوع عجبكوا هحط ان شاء الله المرة الجاية ازاي تعملي الكحكة بطرق زيادة كمان تخلي كل اللي يشوفك ينبهر ان شاء الله

لو الموضوع عجبكم قيموا و ادعولي ربنا يشرح صدري و يهديني >>