تعالوا شوفوا تورته عيد ميلاد امى ست الحبايب و التزيين بعجينة السكر ..

السلام عليكم ....
ازيكم يا احلى فتوكات ...انا النهاره جيبالكم تورتة عيد ميلاد امى ...انا عملتها المره دى بعجينة السكر ...يارب تعجبكم

بالنسبه لمقادير التورته .....
انا بعملها بطريقه الشيف حسن :
المقادير ...
10بيضات - 1/2 معلقة صغيره فانيليا - ا معلقه كبيره محسن كيك جل -كوب و ربع سكر - كوب و 3/4 دقيق - كيس بيكنج باودر

الطريقه :
اهم حاجه قبل عمل الكيكه الاسفنجيه ان الفرن يكون شغال على 180 قبل بدء الشغل
الميكسر يكون ناااااشف و نظيف
نكون مبطننين الصينيه بالماده الدهنيه و الدقيق

نيجى باه للطريقه ...
♣ 10 بيضات فى الميكسر +الفانيليا +المحسن +السكر و نشغل الميكسر على السرعه الاولى حتى يذوب السكر تماماااا بتاخد حوالى 5 دقائق و لو مضرب يدوى بتاخد اكتر بس عموما ...الكيكه الاسفنجيه يفضل عملها بمضرب الكهرباء لانها بتعتمد فى ارتفاعها على كميه الهواء اللى بيدخلها اثناء عمليه الخفق السريع ...

♣ نرفع السرعة على الخليط حتى يتضاعف الحجم بيخاد حوالى 10- دقائق

♣ نضيف الدقيق المنخول على خليط البيض واحده واحده و نقلبه من تحت لفوق بالراحه خااااااالص علشان الهوا مايخرجش

♣ نضيف الخليط فى الصينيه و الى الفرن .....الكيكه بتاخد حوالى من 35 الى 40 دقيقه حسب الفرن لكن اهم حاجه انك ما تفتحيش الفرن خااااااااااااااااااااااااااااااالص قبل مرور نص ساعه

بنتاكد من ان الكيكه استوت باننا بندخل خله فيها ...طبعا بعد مرور النص ساعه لو خرجت الخله نظيفه يباه الكيكه استوت

♣ بعد ما تبرد الكيكه بنيتها ليله فى التلاجه و لو مستعجله عليها ممكن تحطيها فى الفريزر لمده تلت ساااعه علشان لما نقطعها ما تتفتفتش مننا و تغلبنا فى التقطيع

♣ بنقطع الكيكه الى تلات او اربع طبقات حسب سمك الكيكه و نبدا عملية الحشو ...

بنسقى كل طبقه بسيرب خفيف او ممكن السائل اللى بيكون فى الفاكهه الكمبوت و بعدين بنضيف طبقه من الكريمه و ممكن نضيف فواكه مقطعه او مكسرات و نحط الطبقه التانيه و هكذا لحد ما نخلص طبقة الكيك الاخيره

بنغطى الكيكه من الخارج بالكريمه بس تكون طبقه خفيفه علشان بس تساعد عجينة السكر انها تمسك فى الكيكه و ندخلها التلاجه علشان الكريمه تمسك نفسها و متكونش سايحه

ونكون محضرين عجينة السكر علشان نفردها على التورته

مقادير و طريقة [ندعوك للتسجيل في المنتدى أو التعريف بنفسك لمعاينة هذا الرابط] فى الرابط ده ....

دى المقادير :

2معلقه كبيره من الجيلاتين البودر
1/4كوب ماء
1/2 كوب عسل جولكوز
2 معلقه كبيره سمن نباتى
1 معلقه صغيره جلسرين
من 6الى 8 كوب سكر بودر

الطريقه :
[ندعوك للتسجيل في المنتدى أو التعريف بنفسك لمعاينة هذا الرابط]

بنفرد عجينة السكر بالنشابه على مقاس الكيكه بس اهم حاجه اانا نفردها على النشا علشان ماتلزقش و بعدين نحطها بالرررررررررررااحه على الكيكه و نساويها على الكيكه و بعدين نزينها زى ما احنا عايززين ...

يارب اكون قدرت اوصلكم الطريقه و سامحونى ان مافيش صور لانى كنت مستعجله ...



[ندعوك للتسجيل في المنتدى أو التعريف بنفسك لمعاينة هذا الرابط]