بوفيه عيد ميلاد ابني (تورتة الحصان وتورتة 3 ادوار)

السلام عليكم ورحمة الله وبركاته

ده بوفيه عيد ميلاد ابني وطبعا كله اتعمل قبلها بيوم

[ندعوك للتسجيل في المنتدى أو التعريف بنفسك لمعاينة هذا الرابط]

دي [ندعوك للتسجيل في المنتدى أو التعريف بنفسك لمعاينة هذا الرابط] شوفتها في موقع بيتي كروكر واتفرجت علي الفيديو ونفذتها والاسبونج بطريقة مدام امال جلال

[ندعوك للتسجيل في المنتدى أو التعريف بنفسك لمعاينة هذا الرابط]

طريقة الاسبونج:
2 كوب دقيق ( وعشان اعملها شيكولاتة شيلت معلقتين دقيق وحطيت بدالهم معلقتين كاكاو خام)- 2 كوب سكر (بس انا حطيت كوباية ونص بس ) - 8 بيضات - نص كيس بيكنج باودر - نص معلقة صغيرة فانيليا - نص فنجان صغير ماء مغلي(انا نسيت احط المية وبردو طلعت حلوة وهشة اوي )
انا عملت تورتين مدورين واحدة عملت منها جسم الحصان والتانية عملت منها الراس والديل وعملت باترون علي ورق زبدة الاول وقصيت الكيك عليه وقسمته وحشيته وغطيته بكريمة الشيكولاتة وده لينك الفيديو

[ندعوك للتسجيل في المنتدى أو التعريف بنفسك لمعاينة هذا الرابط]



ودي تورتة 3 ادوار عملتها بنفس الطريقة اللي فوق بس من غير كاكاو والمفروض كنت اعملها دورين بس لكن الاتنين سبونج مقاسهم طلع قريب من بعضه فقصيت دايرة مفرغة من حروف الكيكة عشان اصغرها وخدت اللي طلع وعملته سويسرول وبقي الدور التالت للتورتة وجبت المارشميلو ده من السوبر ماركت وزوقت بيه التورتة واللي اتبقي منه قطعته وحطيته في عصاية شيش طاووق زي اللي في الكوباية اللي عليها ستان تركواز

[ندعوك للتسجيل في المنتدى أو التعريف بنفسك لمعاينة هذا الرابط]


[ندعوك للتسجيل في المنتدى أو التعريف بنفسك لمعاينة هذا الرابط]


الكيك بوبس بقي عملت كيك شيكولاتة وقطعتها وفرمته ناعم وعملته بطريقة الكيك اليومي لمنال العالم

2 كوب دقيق( شيلت معلقتين دقيق وحطيت بدالهم كاكاو خام) - 2 ونص معلقة صغيرة بيكنج بودر - رشة صغيرة ملح - نص كوب زبدة لينة - 1 وربع كوب سكر ناعم - 3 بيص- نص كوب لبن - 1 معلقة صغيرة فانيليا-

الطريقة : ضربت السكر والزبدة لحد مابقيت كريمة وبعدين ضيفت البيض والفانيليا وضربتهم كويس وبعدين ضيفت [ندعوك للتسجيل في المنتدى أو التعريف بنفسك لمعاينة هذا الرابط] واللبن وحطيتها في الفرن علي درحة حرارة 180

وطلعتها وسيبتها تبرد وفرمتها كويس وحطيت عليها كريمة وشيكولاتة سايحة ومعلقتين عسل نحل وعملتهم كور ونزلتهم في الشيكولاتة السايحة وزوقتهم بالفارمسيل الملون وجوز الهند والبسكوت المطحون

[ندعوك للتسجيل في المنتدى أو التعريف بنفسك لمعاينة هذا الرابط]

وعملت البسبوسة بكيس حلو الشام والطريقة اللي عليها والجلاش بردو بنفس الطريقة المعتادة دهنته زبدة ورشيت عليه جوز هند ولفيته وقطعته صوابع صغيرة واول ما طلع سقيته بالشربات


* الاخطاء اللي حصلت معايا بقي:

التورتة البيضا حسيتها ناشفة شوية والمفروض كنت اسقيها بشربات او عصير طبعا عشان مستعجلة وتعبانة معملتش كده فطلعت ناشفة شوية لكن بردو هشة وطعمها حلو اوي

* الكيك بوبس طلع مني طري اوي ومش عارفة ليه وكل لما احطه في عصاية الشيش طاووق ينزل لتحت وكان نفسي اوقفه زي المصاصاة كده بس بينزل فاضطريت احطه بالعكس زي اللي في الصورة كده