عيد ميلاد عمر ابني بالصور وتورتايه بن تن الجامده جدا

308232/http://forums.fatakat.com/thread4337362" id="link">https://counter-strike-world.mam9.com/f23-montadathread4337362
[ندعوك للتسجيل في المنتدى أو التعريف بنفسك لمعاينة هذا الرابط]

بس انا عملت مقدارين مره [ندعوك للتسجيل في المنتدى أو التعريف بنفسك لمعاينة هذا الرابط] عاديه والتانيه بالكاكاو يعني شلت ملعقتين دقيق وحطيت مكانهم ملعقتين كاكاو خام وعملت المقدار الواحد في صنيه 32 وطبعا بتبقى مش عاليه عشان الصنيه كبيره بي لما قسمت كل كيكيه 2 وحطيتهم فوق بعض بقت برج مش تورته ههههههههههههههههههه اه والله كانت عاليه جدا ما شاء الله
اما الزواق فبنفس الطريقه اللي في اللينك برده بس حطيت الصوره بتاعه بن تن اللى اشترتها من محلات مستلزمات الحلويات ب 12 جنيه وهيه عباره عن صوره مطبوعه على نوع بسكويت ذي الويفر كدا بيطري لما يتحط على الكريمه ولونت باقى الكريمه بلأخضر وعملت وردات حوالين الصوره وحطيت فوق الوردات لولى فضي ملبس اما الجناب فعملتها بجوز الهند وكمان حطيت قلوب من الشيكولاته كنت عملاها برده على الترانسفير شيت
[ندعوك للتسجيل في المنتدى أو التعريف بنفسك لمعاينة هذا الرابط]شوفو ما شاء الله عاليه ازاي
ودي من جوا
[ندعوك للتسجيل في المنتدى أو التعريف بنفسك لمعاينة هذا الرابط]
اما التورته التانيه
[ندعوك للتسجيل في المنتدى أو التعريف بنفسك لمعاينة هذا الرابط] فبرده بنفس المقادير اللي في اللينك بس زوقتها نصين نص بالكريمه والفاكهه ونص بصوص الشيكولاته وعليه شيكولاته برده كنت عاملاها بترانسفير بس شكل تاني وكتبت اسم عمر بالشيكولاته على ورق ذبده ولما نشف حطيته بين النصين
صوص الشيكولاته عباره عن 3 ملاعق نسكويك ونص كوب لبن وربع كوب سكر وكوب الاربع زيت ونص ملعقه فانيليا سائله ونضربهم في الخلاط وهيبفى احلى صوص شيكولاته
[ندعوك للتسجيل في المنتدى أو التعريف بنفسك لمعاينة هذا الرابط]

وعملت كمان سويس رول من نفس مقادير التورت بس نص المقدار وحطيتها في صنيه مستطيله كبيره ولما طلعتها من الفرن قلبتها على فوطه مطبخ نظيفه ومبلوله ومعصوره كويس وبعدين حشيتها كريم شانتيه بالكاكو ولفتها رول وسبتها ملفوفه بالفوطه في التلاجه ساعتين وبعدين طلعتها وزوقتها بالكريم شانتيه وصوص الشيكولاته وشيكوولاته مبشوره وبندق
[ندعوك للتسجيل في المنتدى أو التعريف بنفسك لمعاينة هذا الرابط]

ومن بواقي تقطيع حروف الكيك عملت كيك بوبس اللي هوه فرمت الكيك وحطيتله ملعقتين صوص شيكولاته وملعقه نسكويك وعجنته وشكلته كرات وحطيته في شيكولاته سايحه وجزء منه عملته بجوز الهند

[ندعوك للتسجيل في المنتدى أو التعريف بنفسك لمعاينة هذا الرابط]


اما المعجنات فعملتهم كلهم بنفس الطريقه اللي في الرابط دا
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]

بس اللي على شكل سويسرول عملتها بالجبنه بس وعملت على شكل فينو صغنن عشان تبقى سندوتشات صغننه سواريه وفتحتها بعد ما استوت وحشيتها جبنه ولنشون وعملت كمان ميني بيتزا باللحمه المفرومه
وعملت كمان خليه النحل وحشيتها جبنه بيضا من نفس العجين
[ندعوك للتسجيل في المنتدى أو التعريف بنفسك لمعاينة هذا الرابط]
اما الحلويات الشرقيه بقى فعملت بسبوسه وجلاش و كنافه ملكيه وبصراحه كانو روعه وطبعا بشكر نوسه الملحوسه صاحبتي وحبيبتي عشان هيه اللي اقنعتني بالكنافه وانا كنت بقولها انا مبحبش الكنافه قالتلي بس دي حاجه تانيه وانا طبعا بثق في كلامها وفعلا طلعت تحفه
الكنافه الملكيه
نص كيلو الكنافه حمرتها في نص كوب سمنه وبعدين حطيت عليها ملعقتين سكر بودره لان الكنافه كانت حادقه شويه وبعدين حطيت علبه حليب مكثف محلى وقلبتها كويس وبعدين حطيت بندق في قوالب التلج الفاضيه وحطيت عليهم الكنافه وسبتها في التلاجه شويه ولما مسكت قلبتها
[ندعوك للتسجيل في المنتدى أو التعريف بنفسك لمعاينة هذا الرابط]

واللي معاها في الطبق دا الحاجه الوحيده اللي مكنتش عاملاها في البيت كان عندي برازق سوري وحاجه كدا ذي المعمول سوري برده
اما الجلاش فعملته عادي في الصنيه طبقات وبينهم بدهن ذبده والحشو مكسرات وعليهم ملعقتين لبن ورشه قرفه وبعدين باقي الجلاش وعلى الفرن ولما طلع من الفرن حطيتله شربات تقيل وبارد
[ندعوك للتسجيل في المنتدى أو التعريف بنفسك لمعاينة هذا الرابط]

اما [ندعوك للتسجيل في المنتدى أو التعريف بنفسك لمعاينة هذا الرابط]
كوب ونص دقيق سميد حطيت عليه نص كوب ذبده سايحه وبستها بايدي كويس وبعدين قلبت علبه ذبادي مع ملعقه صغيره بيكنج باودر مع نص كوب سكر وربع كوب ماء وحطيتهم على السميد وقلبتهم وحطيتهم في الصنيه وعلى الفرن ولما استوت طلعتها وحطيتلها شربات خفيف وبيغلي
ودي الاصناف كلها يارب تعجبكم
[ندعوك للتسجيل في المنتدى أو التعريف بنفسك لمعاينة هذا الرابط]

واخيرا لو عجبكم الموضوع متنسوش تدعولي ربنا يحفظلي جوزي واولادي ويخليهملي ويبارك فيهم
ومتنسوش التقييم يا قمرات
في امان الله حبايبي