اشتريت القماش للانتريه الركنة وكسوة الصالون وإليكم التفاصيل/ بس قلقانة

السلام عليكم
إزيكم يا فتوكات ؟
كنت عملت موضوع من قريب بسأل عن الأقمشة لأني عاوزة أنجد الانتريه الركنة واعمل كسوة للصالون

وبعد استخارات و نزول ولف 3 مرات في الأزهر اشتريت الحمد لله لكن مش عارفة ليه مش مرتاحة
أولا القماش مش مقتنعة به قوي بس هعمل ايه اللي لقيته كويس شوية وسعره معقول
ثانيا حاسة ان انضحك علي في خامة القماش لأني مش بفهم فيه وخايفة تطلع مش حلوة ، أصلي بعد ما اشتريت قماش الانتريه ( هقول لكم بعد شوية جبته ايه متقلقوش هقول التفاصيل) ودخلت محل تاني عشان اشتري قماش الكسوة لقيت البياع بيبص على القماشة الأولى المشجرة ويقول بكم ، سألته أهم حاجة كويسة قعد يبص وقال مش هتزعلي قلت ايييييييييييييه [ندعوك للتسجيل في المنتدى أو التعريف بنفسك لمعاينة هذا الرابط] قال اه كويسة
ومسك التانية السادة وقال بكم؟ قلت له تاني كويسة ؟ قال دي بقى يعني ، عندي أحسن منها بصي شوفي فرق الخامة ، بقيت عاملة كده [ندعوك للتسجيل في المنتدى أو التعريف بنفسك لمعاينة هذا الرابط] وكنت هعيط

المهم هرجع فلاش باك

لفيت كتير واللي كان بيعجبني غاااااااااالي في المحلات اللي على الشارع الرئيسي في الحمزاوي الأزهر
المتر 45 فأعلى وبالفصال مش بينزلوا قوي
الحاجة اللي بعدها في القيمة ممكن يقول 48 وتنزل ل35
ده بالنسبة لقماش الانتريه
هتقولوا لي اسم الأقمشة ايه
هقول لكم انسووووووووووووووا
دي بقى الحاجة اللي جننتني كل محل يقول لي اسم غير التاني لنفس الحاجة ويمدح لي في خامة ويطلعها السما وأدخل محل تاني يخسف بها الأرض
هتقولوا لي انجزي جبتي ايه في الآخر ايه الرغي ده
[ندعوك للتسجيل في المنتدى أو التعريف بنفسك لمعاينة هذا الرابط]بالراحة طيب
لما يئست من المحلات اللي برة بالنسبة لقماش الانتريه قلت أمري لله أضطر ألف جوا لحد ما لقيت قماشة يعني عجبتني شوية هوريكم صورتها هي شانيليا على حاجة تانية ايه هي الله أعلم ( ده إذا كانت شانيليا أصلا بقولكم انا مبفهمش في القماش)

[ندعوك للتسجيل في المنتدى أو التعريف بنفسك لمعاينة هذا الرابط]

معلش تصويري على قدي

وقال لي فيه القماشة الماتشينج بتاعتها على مقلم قلت له لالالالالالا مبحبش المقلم قال خلاص خدي الشانيليا الزيتي السادة معرفتش أصورهالكم معلش

بكم يا عم قال 35 ج المشجرةقعدنا نفاصل قلت له هات من الآخر علشان أنا بلف على كذا محل آخد منه السعر النهائي وهختار في الآخر أقل سعر لنفس القماشة اللي عجبتني قال 25ج مش هينزلوا تاني والسادة آخرها 20ج ولفي براحتك وفعلا مشيت ولفيت شوية ملقيتهاش زوجي قال لي اخلصي بقى وهاتيها( عاوزة أقولكم اننا بنلف ومعنا القرد الصغير تخيلوا المأسااااااااااة)
رحت راجعة من تعبنا وقلت أجيبها وأخلص بقى زوجي هيولع فيّ جبت المشجر 20 متر تقريبا والسادة 17 ( المنجد هو اللي قال كده)

وروحنا طالعين على المحلات اللي برة تاني هتقولوا لي يووووووووو مش قلتِ الحاجة غالية ومش هقدر أشتري
أيوا فعلا بس متنسوش ان في قماش كسوة الصالون لسه
معظم الناس قالوا هاتي برنت ولفيت عليه كانت الأشكال الحلوة والخامة الحلوة في المحلات اللي برة لفيت جوا ملقتش بصراحة زي التاني
المهم بكم يا عم 30 ج من هنا لهنا مفيش غير محل اسمه صموئيل لويس قعدت أنزل معه لحد ما وصلنا ل15 ج قلت له بردو هلف قال براحتك
قعدت ألف ومفيش حد راضي ينزل عن 17 ج رحت راجعاله في نهاية اليوم قلت له هات يا عكم قالي مش قلت لك
بس المفاجأة الرول اللي عنده مكفاش [ندعوك للتسجيل في المنتدى أو التعريف بنفسك لمعاينة هذا الرابط] قال أشوفلك لون تاني قلت للالالالالالالا هي دي ، قال ما أنا قلت لك خديها [ندعوك للتسجيل في المنتدى أو التعريف بنفسك لمعاينة هذا الرابط] قلت طيب اطلبها من الفرع التاني قال مش هيرضى قلت له حاول كلمه قال هيبقى المتر ب16 ونصف وبراحتك بقى طبعا زوجي كان جاب آخره قلت هات ياعم ودي صورتها
[ندعوك للتسجيل في المنتدى أو التعريف بنفسك لمعاينة هذا الرابط]


والحمد لله على كل حال

دلوقتي أنا مش مقتنعة قوي بالقماش وخاصة النتريه وخايفة المنجد كمان مش يعمله مظبوط

بصوا دي صورة زي الانتريه بتاعي شبهه كتير

[ندعوك للتسجيل في المنتدى أو التعريف بنفسك لمعاينة هذا الرابط]


قولوا لي بقى أفكاركم اعمله ازاي يعني الجسم كله سادة والشلت والمخدات مشجر ولا الجسم ساادة والشلت والمخدات والجزء الصغير اللي من تحت (اللي لونه بيج في الصورة تحت البرتقالي) مشجر بردو ؟ ولا اييييييه

بصراحة انا لما شفت انتريهات الجسم سادة والشلت مشجر شكلها معجبنيش وحاسة انه هيبقى مش حلو
عاوزة آراءكم يا بنات
وكمان في كسوة الصالون عاوزة أفكار للقصة تخليها شيك مش تقليدية وكمان متتقطعش مع الغسيل يعني بلاش فيونكات وشراشيب وكده

يار يت اللي عندها صورة لفكرتها يبقى كتر خيرها

وجزاكم الله خيرا
معلش رغيت كتيييير سامحوني بس كنت عاوزة أنقل تجربتي يمكن حد يستفيد

حاجة كمان افتكرتها
اللي تعرف منجد شااااااطر ونظيف وبيفهم في الركنات في الهرم ممكن تقول لي عليه

موضوع رائع بوركت