بجد اوعي تفتكري انك لازم تمشي على ريجيم علشان تخسي اكيد تبقي غلطانة
في طرق طبيعيه احسن بكتير تساعدك على فقدان الوزن بدون تعب، كل اللي عليكي بس انك تلتزمي بيها
مشكله الريجيم انه لما ينجح بيخليكي تحسي انك مقيدة ومش قادرة تعيشي حياة طبيعية ودايما عاملة ألف حساب لكل لقمة تاكليها.
الطرق الطبيعيه بقى هاتمكنك من فقد وزنك بدون أي قيد بعد كده.
صدقوني يا بنات وخدوها ثقة بجد هما ست حاجات هاقولكم عليهل علشان فقدان الوزن بطريقه طبيعيه
• أبدأي غذائك بالبروتينات وبعديه السلاطة دي تخليكي تحسي بالشبع بسرعة
• كلي فى طبق صغير بس إملئيه للاخر. هاتحسي انك اكلتي كثير حتى لو كنتي اكلتي قليل
• اوعي تاكلي قدام التلفزيون لازم فى المكان المخصص للاكل
• قله النوم تزود الوزن
• بدلي المشروبات الغازيه بالمياه
• اهم اهم اهم نقطة بقى ماتعمليش تمرينات رياضية لمدة قصيرة وتوقفي، إذا كنتي عاوزة تفقدي من وزنك لااااااااااااازم تخلي التمرينات جزء من حياتك
اتكلمت مع كثير من اللي فقدوا وزن كتير فى وقت قليل لقيت ان اغلبهم ما مشيش على ريجيم معين. لكن ماشيين على نظام حياة الرياضه جزء أساسي فيه, الحركة الكتير و الاكل الصحى. الريجيم عمره ما كان الحل لمشكله البدانه لأنه حتى لو نجح مش هاتعيشي حياة سعيدة
يعني ما تركزيش في الريجيم قوي وركزي في الأكل الصحي، كتري من الخضار والفاكهة وابعدي عن المشروبات الغازية واشربي بدلها مياه كتير هتلاقي صحتك بقت احسن من الأول ووزنك طبيعي بيقل
السؤال المهم بقى ازاي افقد وزن بسرعة
ناس كتير بتفكر غلط لما يعوزوا يفقدوا وزن، كل اللي بيعملوه انهم يمنعوا نفسهم من الأكل كام يوم وبعدين يزهقوا لما ما يلاقوش تغيير ويمكن يرجعوا ياكلوا اكتر من الأول
فقدان الوزن هدف بسيط، يعني بدل ما تمنعي نفسك من الأكل الأنسب انك تغيري اسلوب حياتك وتمشي على اسلوب جديد بحيث تكون النتيجه إنك تفقدي وزنك بسبب إسلوب حياتك مش بسبب قلة الاكل.
لو عملتي كده هايقل وزنك من غير ما تحس، مش كده وبس هاتحسي بالسعادة لانك ما منعتيش نفسك من حاجة. وزنك الحالي هو نتاج إسلوب حياتك الحالي. تغيير اسلوب حياتك نفسه هو الطريقه المثلى لفقدان الوزن لانها هاتحصل بدون أي مجهود.
فقدت كلمة المرور؟
فقدت إسم العضوية؟
موضوع: إذا كنتي عاوزة تخسي بسرعة وبطريقة طبيعية ادخلي هنا 
الأحد يونيو 30, 2013 2:33 pm