رجيم سهل و مش مكلف خالص

السلام عليكم
ازيكو يا جماعه دي اول مشاركه ليا و يارب اقدر افيدكو زى ما بستفاد منكو
انا بقالي كتير اوى بحارب مع الرجيمات و التخسيس
امبارح روحت لدكتورة شاطرة اوى و بجد جابت نتيجه كويسه اوى مع واحده جارتي لما شوفتها بجد مصدقتش
انها هيا دي ماشاء الله عليها
أنا مش هتكسف اقول على وزنى انا دلوقتى 105
و دا اول دايت الدكتورة كتبتهولي هعمله من انهارده الثلاثاء ليوم الاربع لاني هروح للدكتوره الاربع انشاء الله
معلش انا طولت عليكو
الفطار
3 ارباع رغيف بلدي + أي حشو + خيار او خس
أي حشو يعنى ( بيضتين مسلوقين او اومليت بزيت خفيف او جبنه او لنشون )

الغداء
نص رغيف + سلطه + أي حشو
أي حشو يعني ( فراخ مسلوقه او لحمه مسلوقه او سمك صنيه او مشوي او اي خضار معمول في البيت او اى اكل في البيت معمول للغداء بس يكون مش مقلي )

العشاء
بيضه مسلوقه + سلطه
او
جبنه + سلطه


بين الوجبات ( اي خضروات و يفضل الخضار الورقيه او فاكهه او عصير معمول في البيت او كوب سلطه فاكهه )
الاكل بين الوجبات يكون بعد الوجبه الاساسيه ب ساعتين او اكثر )
معلومات مهمه
1_ الفطار لازم يكون قبل الساعه 10 الصبح
2_ شرب المياه مهم جدا على الاقل 4 اكواب في اليوم
3_ شرب الشاي الاخضر 5 مرات في اليوم بعد كل وجبه ( شاي ليبتون الاخضر وممكن بأي نكهه .. انا جبت تفاح و ليمون التفاح حلو لاكن الليمون مش حلو [ندعوك للتسجيل في المنتدى أو التعريف بنفسك لمعاينة هذا الرابط] )
4_ المشي لمده ساعه كل يوم ان امكن او 3 مرات في الاسبوع ان امكن
5_ ممكن تستعملو سكر دايت بأي كميه عادي ( انا بستعمل نو كال و دا من افضل انواع السكر الدايت لو هتستعملو سكر عادي يبقا 2 معلقه في اليوم بس
6_ ممكن تشربو نسكافيه او قهوة و ممكن تضيفو لبن للنسكافيه بس طبعا منزوع الدسم
و ممكن تشربو اى حاجه دافيه بس طبعا بسكر دايت
لو
انتو بقا عندكو خطيب عسل كده زي خطيبي و بيقول مفيش مشي في الشارع او النادي
او مش بتحو تمشو في الشارع زيي بردو دا تمرين جميل اوى هتعملوة في البيت و هيجيب معاكو نتيجه حلوة اوى ان شاء الله

[ندعوك للتسجيل في المنتدى أو التعريف بنفسك لمعاينة هذا الرابط]
انا بعملو كل يوم
و الرقص بيجيب نتيجه كويسه اوى ( مش بهزر والله )
ياريت حد يبدأ معايا و نعمل منافسه حلوة كده
و ان شاء الله الاسبوع الجاي هقولكو انا خ سيت قد ايه و ايه هوا النظام الجديد [ندعوك للتسجيل في المنتدى أو التعريف بنفسك لمعاينة هذا الرابط]

أدعولي اتجوز انا وخطيبي قريب بقا
[ندعوك للتسجيل في المنتدى أو التعريف بنفسك لمعاينة هذا الرابط]