مين جرب نظام الريجيم العكسى يقولنا نتايجه واللى مجربوش تيجوا نجربه مع بعض اسبوع كده

السلام عليكم ورحمه الله وبركاته
ازيكم يافتوكات عاملين ايه اكيد محتاسين فى الريجيمات ومفيش فايده نهائى زيى كده [ندعوك للتسجيل في المنتدى أو التعريف بنفسك لمعاينة هذا الرابط]
انا عملت كل حاجه ممكن تتخيلوها وكمان مش ممكن تتخيلوها
ريجيم شوربه الكرنب وعملت اقعد بالخمس ايام وبالاسبوع وبالخمس ايام اكل فاكهه بس ومش نافع ولا ربع كيلو
وفى الاخر اخر ما يأست عملت ريجيم ال12 يوم اللى هو 3 لبن وزبادى و3 فاكهه وتلاته خضار وتلاته لحوم وكل اللى جربوه اقل ناس منهم خست 6 كيلو وبيعيطوا وطبعا فيه اللى بيخس 12 وفيه 15 انا اتمنيت بس اخس ال6 والتزمت بالحرف بالملى وميه كتيييييير والخ وفى الاخر هما 3 كيلو تخنتهم فى 6 ايام يعنى حتى السته كيلو مخستهومش [ندعوك للتسجيل في المنتدى أو التعريف بنفسك لمعاينة هذا الرابط] حالتى مستعصيه مش كده
بس انا زهقت من الحرمان وقلت مادام الحرما ما بيجيبش نتيجه اجرب حاجه مفيهاش حرمان واللى هو نظام الريجيم العكسى سمعت عنه وقلت اجربه اللى هو تاكلى كل حاجه لغايه الساعه 4 العصر وتوقفى وتقضيها مشروبات حارقه للدهون وميه لغايه تانى يوم يلا كده كده مش هخسر حاجه ما انا ثابته هتفرق ايه لما اثبت اسبوع كمان لو طلع الريجيم ده مش حلو بس انا متفائله
انا انهارده بدأت ووقفت اكل الساعه 4 بس انا من بكره هحاول اوقف الساعه 3 عشان سمعت فى برنامج THE DOCTORS ان جهاز الحرق بيقف الساعه تلاته
فياريت اللى جربوه يقولوا عمل نتيجه ولا شو واللى مجربوش ممكن نبدأ مع بعض ونشجع بعض لمده اسبوع ونشوف نتيجته ايه وندعى لبعض بالاراده بس انا عايزه اقول حاجه يعن برده اللى هيعمله يحاول يقلل فى النشاويات يعنى انا مثلا ويارب يقدرنى هحاول اقسم رغيف سن على الاكل بتاعى كله لغايه الساعه 3 بس هاكل كل حاجه تانيه فلافل جبنه بيض وحتى لو فيه مثلا محشى على الغدا هاكل مثلا بتاع 6 صوابع كده وهاكل فسيخ ورنجه طبعا شم النسيم بس برده بنص رغيف سن مثلا او نخليها رغيف بقى هحف شويه يعنى وهاكل ايس كريم واحده عصايه مثلا عشان انا سمعت ان الايس كريم اقل حاجه حلوه بتتخن لانه عباره عن لبن وشيكولاته او فاكهه مفيهوش كربوهيدرات وطبعا فاكهه وخضار زى ما انا عايزه وبعد الساعه تلاته ويارب يقدرنى ياااااااااااااارب ادعولى عشان انا حالتى بقت مستعصيه ههههههههههههههههه هوقف اكل خالص خالص يارب اعمل اللى بقوله يعنى مثلا من الساعه 4 لغايه الساعه 1 مثلا فيه بتاع تسع ساعاات كل ساعه اشرب حاجه يعنى 3 لتر ميه كل ساعه لتر و3 مرات مثلا شاى اخضر على جنزبيل و3 مرات مشروب كده عباره عن شمر على املج على رواند ده سمعت الدكتور حاتم نعمان بيقول عليه ومش لازم بالترتيب يعنى لتر ميه وبعدين كوبايه شاى وجنزبيل وبعدين كوبايه شمر على رواند على املج كده يعنى ويبقى كده مفيش ساعه مش هناخد فيها حاجه عشان منفكرش فى الاكل نجرب اسبوع ونقول للبعض على النتايج يعنى وياريت نشجع بعض يعنى اللى عايزه تشترك معايه كل يوم ندخل نقول عملنا ايييييييييييييه عشان نشجع بعضينا ونلتزم واللى تقدر برضه تعمل رياضه ياريت انا ممكن اعمل على الاب روكيت شويه صغيره كده ولا حاجه وفى اخر الاسبوع نوزن ونشوف النتيجه وياااااااااااااااااااااااااااااااااااااااااااااااا ااااارب [ندعوك للتسجيل في المنتدى أو التعريف بنفسك لمعاينة هذا الرابط]
نشوف اسبوع ولو حلو نكمل ما احنا مش هنبقى محرومين [ندعوك للتسجيل في المنتدى أو التعريف بنفسك لمعاينة هذا الرابط]