روحت لدكتور الرجيم النهارده وهابتدى فيه من بكره مين حابب يشتررك معايا

انا النهارده روحت للدكتور الثلاثاء 4-6-2013
ولقيت وزنى 65.700 وطولى 147

وادانى رجيم وتعليمات
مين يحب يشترك معايا بس يكون ملتزم وكل يوم يدخل يكتب يومياته معانا
يالا نشجع بعض وكل اسبوع هاخد رجيم وهادخل احطه هنا
بسم الله
نبدا الرجيم
ملاحظات
1- 8كوب ماء يوميا بس ممنوع فى نص الاكل وبعد الاكل لمده ساعه
2- الاكل بعيش اسمر سن او بلدى
3-سكر يوميا لايزيد عن 2 معلقه انا بستعمل سكر رجيم اسمه سليمر
4-المشى يوميا 30 دقيقه
5-الخضار والفاكهه بين الوجبات كل ساعتين
6-السلطه الخضراء بدايه كل وجبه غداء
7-النوم والمياه والشاى والفاكهه بعد الاكل بساعه
8-الاكل بزيت ذره او زيت زيتون على البارد
9-مضغ الاكل جيدا والاكل ببطء
10- الاكل 90 فى الميه منه قبل المغرب وبعد المغرب وجبه واحده بس الى هى العشا وبتكون فاكهه او زبادى

الممنوعات:
1- الموز والبلح والعنب والتين والمانجو والكاكا
2- السمك المقلى والمملح والبورى والكابوريا

3- اللحوم الضانى والسمين والبط والرومى والحمام
4- العيش الابيض والطويل والبيتى المخبوز
5- الحاجه الساقعه بانوعها والعصائر المسكره وعصير الفاكهه الممنوعه
6- الكاكو والسحلب والحلبه والكريمه
7- التسالى بانوعها والاكل الجاهز والمخبوزات والجبنه الملونه
8- المقلى والمسبك والمخلل والحلويات والشيكولاته وفواتح الشهيه
9- اللحوم المصنعه والقشطه والمربى والحلاوه
10- المحاشى والرقاق والبشمل والارز المعمر والفته وكفته الارز والكشرى المصرى والبطاطا والقلقاس

نيجى بقى للرجيم

على الريق معلقه عسل ابيض على نص كوب ماء على ليمون
الفطار

1+رغيف سن او نص رغيف بلدى+ جبنه قريش او جبنه تلاجه+ بيضه +خيار
2- 2ثمره فاكهه +كوب لبن خالى الدسم او زبادى

بين الفطار والغداء 2 فاكهه

الغداء
1+سلطه خضرا+نص رغيف بلدى+ 2سمك بلطى مشويه
2+ شوربه خضار +صدر فرخه او لحمه حمرهمسلوقه او مشويه
3- سلطه خضرا+كفته مشويه+نص رغيف بلدى
4- سلطه خضرا+2بطاطس مهروسه او مشويه بدون عيش
5-سلطه خضرا +علبه تونه من غير زيت +نص رغيف بلدى
6-سلطه خضرا+2بيضه مسلوقه+نص رغيف

العشاء
فاكهه اوووووووووووووووو زبادى

يالا يابنات مين حابب يشترك معايا وياريت نخس كلنا ونبقى رفيعين على العيد