الي تعبت من الرجيم حاجة جامدة من الاخر

بسم الله الرحمن الرحيم
انا اول مرة اشارك في المنتدي بس انا من المتصفحات الجيدات لمنتديات كتير وانا فاضية بقي كل ما ادخل منتدي واشوف وصفة وتكون طبيعية طبعا اجري واعملها علي طول واقول انا حاخسر ما هي طبيعية وزي ما قلت لكم انا جربت حاجات كتييييير قوي والحمد للة حاقول لكم علي التفاصيل واحدة واحدة ونتيجةكل واحدة اة قبل ما انسي في حاجة بسيطة لازم تاخدوا بالكم ليها مفيش جسم زي التاني والي يقول غير كدة لمؤاخذة يبقي [ندعوك للتسجيل في المنتدى أو التعريف بنفسك لمعاينة هذا الرابط]كنت عايزة اقول حاجة تانية بس افهموا انتوا نقل لية بقي استحملوني بس ان شاء الله حتستفادوا
اولا الستات بيتخنوا ازاي انا عارفة سؤال عبيط بس والله الاجابة حتوفر عليكم حاجات كتير بصوا بقي اول حاجة الاكل الكتير والقعدة في البيت (من غير شغل )يعني شغل البيت يعني الواحدة تاكل ومتنضفش ولا تغسل ولا تمسح ولا تكوي ولا توضب وكل دا كل يوم انا عارفة حتقولوا اية المجنونة دي استحملوني
ثانيا:الهرمونات يعني في ستات مبتاكلش كتير وعلشان الهرمونات تلخبطة تتخن
ثالثا:الحمل والرضاعة الوزن بيزيد ومبنعرفش ننزلة
رابعا:الوراثة اة والله انا اعرف واحدة عليتها كلهم تخان وهي وبنتها الصغيرة تخان علي فكرة مش مرض دا من نوعية الاكل
ودا الي عرفتة يعني تيجي واحدة تقول لك انا جربت وانا عملت وخسيت تروحي تجري زي الصاروخ علشان تعملي زيها دي كارثة كبيرة لازم الاول تعرفي هي شكلها اية وتخنت ازاي علشان لو زيك ممكن تجربي الي هي عملتوا زهقتوا صح
المهم :اول خطوة علشان تخسي تقتنعي ان انت شكلك وحش من الاخر كدة وانك لو خسيتي حتلبسي الي نفسك فية وشكلك كمان حيبقي حلو
بعدين تبتدي تشربي سنامكي من عند العطار دا مش للتخسيس دا لتنضيف القولون والدكاترة النضيفة بتكتبوا لكل واحدة عايزة تخس
بعد كدة نبتدي صح
ازاي ناخد كل يوم الصبح كوب شاي اخضر
وبعد الغدا كوب شاي اخضروبعد العشا كمان
طاب اية الغدا واية العشا بصوا بقي انا جربت رجيم الاكل بتاع الدكاترة لقيتوا عايز له ميزانية لوحدة وحتملي وتكسلي تكملي طا لية من الاول انا اكل من اكل البيت بس ما اشبعش معلش نستحمل شوية في الاول وبعدين معدتنا حتتعود علي كمية الاكل وبعدين كلي خيار او طماطم لحد ما تشبعي او جزر او خس اي حاجة عندك في البيت واهم حاجة شرب الشاي الاخضر
زهقتي من الشاي الاخضر اشربي (كوب ماء مغلي علية معلقة عسل نحل ونصف ليمونة ونصف ومعلقة قرفة)دا مشروب من الاخر بيحرق الدهون
يعني لا نظام غزاءي ولا سعرات ولا برشام تخسيس ولا اي حا جة جربي وادعي لي
انا واختي وبنات خالتي وعمتي وبنتها عملوا كدة والنتيجة جميلة جدا صحيح مش كلنا نزلنا نفس الوزن بس اقل واحدة نزلت 5 كيلو في الشهر من غير تعب
يا رب اكون افدتكم والي يجرب ويعمل زي ويلاقي نتيجة اوصية بالدعاء لي ولاولادي وزوجي