ازاى نغذى اولادنا صح مش اكل وخلاص

السلام عليكم ورحمه الله وبركاته

فى البدايه انا عايزه اشرح انا حتكلم عن ايه زى ما العنوان بيقول احنا عاده الطرق [ندعوك للتسجيل في المنتدى أو التعريف بنفسك لمعاينة هذا الرابط] حشو بطن وخلاص [ندعوك للتسجيل في المنتدى أو التعريف بنفسك لمعاينة هذا الرابط]

يعنى ايه يعنى رز وكرونه وشيبس وكيك و................................................ز كده الولد بياكل كويس [ندعوك للتسجيل في المنتدى أو التعريف بنفسك لمعاينة هذا الرابط]

لا طبعا ما هو مش اى اكل

حتقولولى ازاى

بصوا الاطفال ف السن اللى بعد 6 شهور لحد كده مايكبر ويقدر ينوع ف الاكل زى الكبار لازملهم التغذيه السليمه علشان يبقوا اتبنوا صح

مثلا
وجبه البان وجبه حبوب وجبه فاكهه وجبه خضار حتى من سن 6 شهور الكلام ده

طبعا عارفين ان فى اربع ابيض ممنوع للطفل قبل سن سنه

السكر الملح بياض البيض [ندعوك للتسجيل في المنتدى أو التعريف بنفسك لمعاينة هذا الرابط] مش طول اليوم دفس فى الواد ف البيض والعسل الابيض ها يا فتوكات مش صحى انك تديه قبل سنه
عارفين ليه بقى بياض البيض ........ علشان فيه نسبه بروتين عاليه جدا ممكن تسبب حساسيه عند الطفل والامعاء متقدرش تعدى حجم خليه البروتين دى وبالتالى مشاكل بالهضم
وعارفه ليه عسل ابيض لالالالالالالالالالالالالالالالا.................. .......علشان فيه باكتيريا من طريقه الحفظ بتاعته لاقدر الله تسبب تسمم علشان الجهاز الهضمى بتاع الطفل ميقدرش يتعامل معاها قبل سن
شفتى ان فى حاجات فى معتقداتتنا الغذائيه مش مظبوطه بالمره
دا كله كلام علمى نيجى بقى للتطبيق العملى اللى انا بعمله لااولادى

بصى ياحبيبتى لما تحبى تعملى رز لاولادك ضيفى عليه بسله جزر وفلفل الوان يستوى معاه منه فايده ومنه شكل جميل تشجع الطفل ع الاكل
المكرونه وقطعى عليها كوسه صغيره وفلفل
ممكن كمان تحطى على المكرونه بعد السلق جبنه سايله وهى سخنه علشان تسيح ورشى بقدونس برده مغذيه وخصوصا الاطفال اللى مش بياكلوا جبنه زى اولادى
اللحوم بقى طبعا مشويه او مسلوقه افضل من الطرق التانيه كمان جنبها خضار برضه مسلوق مشوى مش بيفضلوه الاولاد قوى
اعملى شوربه بروكلى مع قطع دجاج وفلفل واضربيها ف الخلاط وحتتاكل جرى
شوربع عدس بصى طريقتى الناجحه مع اولادى
4 معالق كبار عدس كوب ونص ماء بصله وجزره وفص توم وعلى النار يستوى لو محتاج مايه زودى واضربيهم فى الخلاط نص ضرب علشان متعوديش عيالك على الاكل السهل البلع بس لا لازم فى اجزاء طعام للمضغ حتى للى لسه اسنانهم عددها نونو
بس ياستى ممكن تزودى على الشوربه شعيريه متحمره
الكيك بعمله كيك زبادى بالجزر والقرفه تحفه وبياكلوه منه كيك وجزر
شوربه خضار طبعا ما فيهاش نقاش
الاطفال اللى بياخدوا سيريلاك اعصرى عليه برتقال بيخلى طعمه افضل واخدتى فايده البرتقال
لما ابنك يطلب منك عصير مش تجرى بسرعه تطلعى تانج ولا معلبات [ندعوك للتسجيل في المنتدى أو التعريف بنفسك لمعاينة هذا الرابط] لالالالالالالالالالالالالالالالالالالالالالالالالا لالالالالالالا
خللى عندك حاجه تتعمل عصير بسرعه برتقال فراوله ليمون هو مش حتفرق معاه ف الطعم بس الفايده حتفرق
عندى افكار تانيه كتير حبقى اكتبهالكوا ف المشاركات وكمان لو اى واحده عندها استفسار عن طريقه الاكل انا تحت امركوا
كمان اللى عندها شكوى من ابنها او بنتها مش بتاكل حاجه معينه تقوللى ونفكر سوا ازاى ندخلها ف الاكل من غير ما ياخد باله الطفل او ازاى نعملها بطريقه يتقبلها



يارب اكون غيرت حاجه فى مفاهيم الاكل اللى كانت غلط عندنا وتكونوا استفدتوا من الموضوع
يارب خليلنا اولادنا بخير ويكبروا بصحه على طووووووووووول ف ظل المغريات ف السوبر ماركت والفاست فووووووووووووووود [ندعوك للتسجيل في المنتدى أو التعريف بنفسك لمعاينة هذا الرابط]
السلام عليكم ورحمه الله