بوفية عيد ميلاد سارة بنتى (تمت 5 سنين)

بسم الله الرحمن الرحيم
السلام عليكم ورحمة الله و بركاتة
ازيكم يا حلوين يارب تكونوا بخير

انهاردة حوريكم بوفية عيد ميلاد سارة بنتى الخامس
انا اول مرة اعملة فى بيت ماما لانى عايشة فى الغردقة و المرة دى نزلت بورسعيد قبل عيد ميلادها باسبوع قلت رصة بقى اعملة فى وسط اهلى و حبايبى
حتلاقوا اكترية الحلويات كنت عملاها فى بوفية عيد ميلادها السنة ايلى اتت بس كنت فى بيتى و كنا لواحدنا فعملت نفس الحاجات دى علشان اخواتى بيحبوها
دى صورة التورت

[ندعوك للتسجيل في المنتدى أو التعريف بنفسك لمعاينة هذا الرابط]
دى صورة تورتة الفاكهة و تورتة الشيكولاتة

[ندعوك للتسجيل في المنتدى أو التعريف بنفسك لمعاينة هذا الرابط]
دى صورة تورتة الفاكهة

[ندعوك للتسجيل في المنتدى أو التعريف بنفسك لمعاينة هذا الرابط]
و دى كمان

[ندعوك للتسجيل في المنتدى أو التعريف بنفسك لمعاينة هذا الرابط]
و دى تورتة الشيكولاتة بس عملت حادثة بسيطة و انا بخرجها من الثلاجة الفراولة اتهزت من مكانها و جرحت وش التورتة بس اية و لا اثرت و التورت اتفرمت

[ندعوك للتسجيل في المنتدى أو التعريف بنفسك لمعاينة هذا الرابط]
دى بقى صورة الجاتوهات مع الاكلير

[ندعوك للتسجيل في المنتدى أو التعريف بنفسك لمعاينة هذا الرابط]
و دى صورة باقى الجاتوهات مع المينى تارت
ولانى فى بيت ماما و ماشاء الله كان فى ضيوف كتير و اطفال خفت حاجة ماما تتكسر فاشتريت اطباق و شوك و كوبايات بلاستيك بتاعة الاستعمال مرة واحدة

[ندعوك للتسجيل في المنتدى أو التعريف بنفسك لمعاينة هذا الرابط]
و دة صورة البسكويت بالجبنة الشيدر و الجبنة الرومى مع الباتون سالية و المينى تارت

طبعا الحاجات دى كلها عمايل اديا

التورت كنت عملاهم فى صنية مقاس 32 و دى كانت مقادير [ندعوك للتسجيل في المنتدى أو التعريف بنفسك لمعاينة هذا الرابط]
12 بيضة كبار + 300 جرام سكر + 420 جرام دقيق و نشا و معلقة صغيرة بيكنج بودر + 6 معالق ماء + معلقة صغيرة محسن كيك + فانيليا
الطريقة:
بولع الفن طبعا الاول و بقص ورة الذبدة على قد قاع الصنية فقط و مش بدهن جوانب الصنية باى مادة دهنية علشان لما اخرج الكيكة من الفرن الجوانب متكشش و تهبط و بمشى على الطروف بسكينة و بتخرج الكيكة بسهولة لما تبرد

بضرب 12 بيضة مع الفانيليا الاول لحد لما يتخلطوا و بضي السكر بالراحة اثناء الخفق لحد لما اضيف مقدار السكر كلة
و اعلى السرعة بالتدريج اثناء خفق البيض لحد لما يتضعاف حجم البيض 4 اضعاف حجمة ( تقريبا 15 دقيقة خفق متواصل على سرعة عالية) ثم نضيف الماء معلقة معلقة اثناء الخفق و نخفق بعد اضافة الماء لمدة 5 دقائق
طبعا بنكون ناخلين الدقيق و النشا و البيكنج بودر 4 مرات على الاقل و ببداء اضيفهم على خليط البيض بالتدريج و اقلب من تحت لفوق من غير خروج المقشط السيلكون لحد لما اخلص مقدار الدقيق
ثم يصب فى الخليط فى الصنية
ثم نضع الصنية فى الفرن لمدة 40 دقيقة من غير ما نفتح عليها نهائى
و بعدين نطفى الفرن و نسيب الكيكة الاسفنجية فية لمدة 5 دقايق كمان و بعدين نخرجها من الفرن و نسيبها تبرد شوية حوالى 10 دقايق كمان
و بعدين بسكين بمشى على جوانب الصنية و اخلص الكيك من الصنية الكيكة بتفضل متماسكة و لا بتهبط و لا الجوانب بتكش نهائى
و اسيبها تبرد على حامل سلك
و بعدين بدخلها الثلاجة
انا بفضل اعمل كيك قبل التزيين بيوم علشان لما اقطعها متفرولش

ملحوظة: كيكة [ندعوك للتسجيل في المنتدى أو التعريف بنفسك لمعاينة هذا الرابط] نفس المقادير و نفس الطريقة بس بشيل من مقدار الدقيق و النشا و البيكنج بودر مقدار 50 جرام و بحط مكانهم كاكاو خام بتاع الحلويات مش النسكويك (لان النسكويك فية سكر بياثر على طعم الكيك و السكر الكتير بيخلى الكيك تعلى بسرعة و تهبط بسرعة و تتحمر جامد كمان)
يعنى مقدار 420 جرام بيبقى كالاتى 50 كاكاو و 50 نشا و 5 جرام بيكنج بودر و الباقى دقيق 315 جرام

التزيين :
انا بستعمل كريمة الخفق نوع (بيتى) حلوة جدا و احسن من جهينة
لتورتة الفاكهة فواكهة المتوفرة حسب الموسم
و لتورتة الشيكولاتة شيكولاتة خام و كريمة خفق سايلى علشان الصوص


باقى الوصفات حتلاقوها فى موضوعى القديم دة
[ندعوك للتسجيل في المنتدى أو التعريف بنفسك لمعاينة هذا الرابط]
حتلاقوا فية طريقة الاكلير و المينى تارت و البسكويت بالجبنة الشيدر و الرومى و الجاتوة

مستنية رايكم و اوعوا تنسوا التقييم يا قمرات