السلام عليكم ورحمة الله وبركاته
ازيكم يا فتاتيك
انا حابه بس اتأسفلكوا لان فتوكات كتير بعتولى على الخاص وعملولى كومنت فى موضوعى دا
وانا مقدرش البى طلابتهم
عشان كدا قررت هنزلكم الطريقه ولو بالكتابه مبدئيا على ما اقدر اعملهم بالتفصيل الممل
المقادير ككوباية مايه مع زره ملح مع معلقه صغيره سكر مع ربع كوباية سمنه او زبده وعلى النار اول لما تغلى
ننزل عليها بكوباية دقيق ونقلب نقلب لما تلم من الجوانب خالص وتبقى كتله واحده
نجيب بوله ونضرب فيها 4 بيض مع 4 كيس فانيلا
لما العجينه تهدى نبدأ نحط البيض واحده واحده ونقلب لما نخلص كمية البيض كلها
نجيب معلقتين صغيرين ونعمل كور كور بس صغنونه عشان بتنفش فى الفرن وتكبر اوى
وبعد ما نرصهم فى صينيه بعيد عن بعض
ندخلها الفرن
اللى اهم بقى من العجينه ازاى تسويها لانك لو سويتيها وحش هتبووووووظ وكل تعبك هيروح
التسويه كالاتى :
نحطها فى فرن على الرف الوسطانى على درجه 200 لمدة 10 دقايق وبعدين نهدى النار على 180 لمدة 40 دقيقه وبعد ال 40 دقيقه نقفل ومنفتحش الفرن نهائيا
يا جماعه ممنوع فتح الفرن خلال التسويه او بعد التسويه
نقفل النار ونسيبها كمان 10 دقايق وبعدين نفتح الفرن
نطلعها بقى وعندنا هنا حل من اتنين:
يا نسقيها صوص شيكولاته وتبقى بروفتيرول حلو
او نحشيها جبنه فيتا وزتون وفلفل اخضر وجبنه رومى مبشوره زى ما عملت فى عيد ميلاد يويو ويبقى بروفيترول حادق
المقادير كيلو دقيق عليه كوباية لبن بودره عليها فنجان زيت عليها معلقه كبيره بيكنج بودر ومعلقتين كبار خميره مدوبين فى مايه وسكر ونعجن بالمايه لما تبقى عجينه لينه وكل ما نعجن اكتر كل ما تطرى اكتر واكتر
نسيبها تخمر ساعتين وبعدين نشكلها وعلى الفرن وبس
اللى بعده
البسبوسه:
معملتش اى حاجه جيبت كيس بسبوسه جاهز وعملتها زى ما مكتوب عليها وبس
عباره عن كيك عادى هتعمليه سواء فانيلا او شيكولاته وبعدين تجيبى شوكه وتفتفتيه وبعدين تجيبى مضرب وفى طبق تخلطى نص كوباية زبده طريه وكوباية سكر بودره و8 حتت كيرى وبعدين لما يتجانسوا ناخد منهم ونعجن الكيك المفتت
نكور ونشيل فى الفريزر يمسكوا نفسهم وبعدين نعمل صوص شيكولاته وناخد الكور ننزلها فى الشيكولاته ونطلعها بسرعه وبعدين نرشق فيها خلة الاسنان ونرش فراسيل ملون وبس
التورته بقى هرسمها على ورق عشان اوضح طريقة التقطيع وانزلهالكوا ان شاء الله
فقدت كلمة المرور؟
فقدت إسم العضوية؟
موضوع: انا صاحبة الصور لموضوع دا....عملتوا عشانكو 
الأربعاء يونيو 26, 2013 3:51 pm