أنواع البنات بالبلاك بيري 2011

الرقلة :

وهذي ما تصدق ان المسجات ببلاش تقعد تكتب كل شي .. أغير ملابسي .. اسولف .. اذاكر .. ارقص .. اطير .. مع نوني .. مع وظحا .. مع صلفه .. جنب فوفو .. فوق الكنب .. تحت دنو .. إلخ ومسندرة العالم صباح الخير ومساء الخير . <=--- ياشيخه سلمنا من وجهك الكالح خخخخخخخخخ



الثقيلة :

هذي عكس اللي قبلها فاهمه الموضوع غلط وماخذتها ثقل... طول الوقت حاطه بزي .. وترد بعد ساعة وتقرأ الكلام من برى الصفحة علشان ما يطلع حرف الــ R <=-- اشتغلي في محل خظرة ابرك لك لوووووووووول


المطوعة :

فاتحة قروب تعطي محاضرات دينية والبرودكاست شغال أذكار ومواقيت الصلاة وصورتها الشخصية شيء ثابت جماد أو وردة أو طاولة .. وطبعا أيام ذي الحجة تحط صورة الكعبة <=-- ياحليلك والله



المستانسة :

وهذي أغلب اللي عندها من العائلة وكل البرودكاست يالطووف انا وصلت البيت تعالي ويا عيوش انا في المشغل ولا وش فيكم طردتوا خلود من القروب وااا عليها يا تسبدي تسبداااه هذي تنرحم لحد يحذفها <=---- لوحة إعلانات تنفع ولا تضر خخخخخخخخخخخخخ



المتفلسفة :

تتكلم بالعربي بس الحروف انجليزي واذا كتبت كلمة انجليزية تلقاها غلط وتوبيكاتها تتكون عادة من كلمتين مثل : mshtagah Lk <=---- أول ما شطح نطح لووووووووووووول



الغبية :

هذي نكبة انتبهوا منها تكتب قصة حياتها وترسلها لأحد ثاني بالغلط ولا برودكاست وأحيانا تنشب مع ذكر أسماء وأغلب الأوقات تلقونها تغير نكها وتنسى تحط اسمها <=--- ياشين السرج لووووووووول



الزلزال :

هذي لو تعطس ترسل Ping أي شي تسويه لازم معاه Ping وأحيانا اذا بتسوي مساج لرقبتها ارسلت لجميع الموجودين معها Ping Plz عقب تحط الموبايل على رقبتها لوووووووووول



المهايطية :

هذي ما يحتاج معروف من اسمها تحصلها مصورة قطاوتها وحاطة صورة قطو شيرازي وعارضته للبيع وتقول اشتريته بـ اربع الاف ريال ولا حاطه صورة عطر ديور ولا جيفنشي وتلقاها أغلب الوقت البرودكاست حقتها عن الماركات الله يستر تعرض الشنطه البربريه وتلقاها مصورة بنطلونها ولا نص وجهها يقال عنها أنجلينا جولي عاد <<ههههههههههههه