هذا هو الشعب المصري يخرج من ازماته وفي وقتها بالضحكة كي يخفف بعض من همومه
ولولا ذلك كان العصبي منتشر بين الشباب اللي زي الورد
نشوف النكت
(أبليس شاف 3 ملايين بيصلوا في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!) ..

(بعد ثورة مصر وتونس يوم الجمعة ، القذافي قرر إلغاء يوم الجمعة في ليبيا !)
..
(الرئيس مبارك قال إنا خسارة في المصريين وتنحي وقرر إنه يرشح نفسه لرئاسة تونس، مما دفع ملايين التونسيين إلى المطالبة بعودة زين العابدين بن علي..
زين العابدين لما عرف بعت رسالة لمبارك يقوله له فيها : متنساش تجيب دراع البليستيشن معاك – رد مبارك قائلا : لا تعايرنى ولا أعايرك الشعب خالعنى وخالعك)،

(مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك! )

(واحد لقي الفانوس السحري ودعكه.. طلعله العفريت وقاله: شبيك لبيك تطلب إيه؟ قاله الراجل: أنا عايز كوبري بين القاهرة وأسوان، العفريت قاله: دي صعبة قوي.. نقي حاجة تانية، الراجل قاله: خلاص خلي حسني مبارك يسيب الحكم، العفريت قاله: انت عايز الكوبري رايح جاي؟ ولا رايح بس؟ )

-
(بلطجي سألته قناة الجزيرة إنتوا ليه بترموا مولوتوف علي الشباب ، فرد قائلا :" العيال دول بيرموا علينا قنابل "بلوتوث") –

(شهود عيان فى أروقة وزارة التربية والتعليم أفادوا أنه تم تأجيل امتحانات الدور التانى إلى أجل غير مسمى، معللين هذا بأن النظام سقط وعاوز وقت عشان يلحق يذاكر!) –

(عقد الريس جلسة مع وزير الداخلية السابق حبيب العادلي قاله حزينا: منعت الحشيش يا فالح؟ أهو الشعب صحصح !) .

(مبارك قال لأعوانه : فين الفلوس ؟ فقالوا له أنت ناسي يا ريس أننا انفقنا علي البلطجية والحمير في موقعة الجحش !)
..
(مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين علي السعودية والمسيحيين علي أمريكا واقفل وهات المفتاح وتعالي !) –

( إعلان وظيفي نشره مبارك بعد تنحيه كتب فيه : رئيس سابق يبحث عن وظيفة .. خبرة في إنشاء الكباري متعددة الطوابق .. والمعتقلات شديدة الوحشية.. ولديه قدرة خاصة على التناحة) .

(سألوا الرئيس عن رأيه في التغيير، قال : التغيير ده سنة الحياة . قالوا :طب وسياتك مش هتتغير؟ قال : أنا فرض مش سنة ) –

(واحد بيسأل الثاني إذا انتصرنا عالحكومة وفزنا عليهم حيحصل إيه ؟رد عليه الثاني : حنلعب مع تونس عالنهائي ) .

كان مصريون رفعوا بدورهم لافتات طريفة خلال الثورة وعقب تنحي مبارك في ميدان التحرير أشهرها لافتة تقول ( مبارك .. طير أنت ) و(رابطة نجاري مصر يسألون الأسطى مبارك: "ما نوع الغراء الذي تستخدمه؟) و(ارحل.. الولية عاوزة تولد والولد مش عايز يشوفك) و(ارحل عاوز أتجوز) و(ارحل مراتي وحشتني.. متزوج من 20 يوم) و( ده لو كان عفريت كان طلع) و(لو ما استحمتش النهاردة في بيتنا.. هاستحمى يوم الجمعة في قصر الرياسة) .


منقول وانا مااصدي اتمسخر على اي بلد
او عن اي شخص
نكت حبيت انقلها لكم بسس
ولا غاية اخرى بل ضحكت شوي وفردتوا هالوج
:01: