لو عايز تبقى رخم ... خنيق ... كل لما حد يشوفك من بعيد يقووول ييييييييييييييييي ويزعل خد عندك بعض الخطوات :

1 _ ادخل محل ملابس وخلى البياع ينزلك كل حاجة وقيس حاجات كتييييييييير فالآخر امشى وقوله موضة قديمة

2 _ قول نكتة طويلة أوى وتيجى عند الآخر وتقول ياااااه ... نسيتها

3 _ والناس بتتفرج على ماتش نهائى او مصيرى .. أفضل رايح جاى من قدامهم

4 _ هات بخاخة مطهر وامشى ورا واحد ... كل مايلمس حاجة تروح راششها بالمطهر

5 _ قول لواحد صحبك احكيلى نكتة .. كل مايقولك نكتة قوله رخمة أو قديمة

6 _ لما تكون فى مطعم بص للناس أوى وهى بتاكل ..يبصولك ماتتكسفش استمر خليك مبحلق

7 _ واحد ماتعرفهوش .. افضل بص ودقق فى ودنه

8 _ حد بيكلمك ماتبصلوش وهو بيتكلم .. وياسلام لو كان بيقولك حاجة تزعل انت تتبتسم (هيفرقع )

9 _ كل ماحد يقولك حاجة عيدها على هيئة سؤال

مثلا : أنا رحت الجامعة النهاردة .. انت رحت الجامعة النهاردة ؟

وقابلت الواد ابراهيم .. وقابلت الواد ابراهيم ؟

10_ وانت فى محل , مول , مطعم .. ماتمشيش ساكت طول ماانت ماشى افضل خبط على كل حاجة تقابلك

11 _ ادخل محل موبايلات .. اسأل على كل الانواع والجديد اللى نزل وخلى الراجل يفتح الكرتونة بتاعت الموبايل وفالآخر قوله شكرا على مجهودك

12 _ وانت فالمترو .. امضغ لبانة بصوت عالى جنب واحد بيقرا مجلة وانت بتقرا معاه طبعا جنب ودنه

13 _ اعزم ناس تعرفها ملهاش علاقة فعيد ميلاد حد انت تعرفه

14 _ لو قاعد تتفرج انت واصحابك على فيلم ولسة 5 دقايق قوم غير القناة ,, شيل الفيشة ,, اعمل اى حاجة المهم انهم مايشفوش النهاية

15 _ أول ما تشوف كيس كاتشب عالارض دوس عليه على طول علشان يبهدل بنطلون اللى جنبك

وبعدين قوله : انا بس كنت بشوفه مليان ولا فاضى

16 _ لو فى مناسبة فرح .. عيد ميلاد ، حفلة ، اى حاجة

استلم بتاع الدى جى يشغل الاغنية اللى انت بتحبها وبعد لما تخلص خليه يشغلها تانى

17 _ لو واقف جنب حد بيعد فلوس فى وسط العد قوله اى رقم عشوائى ل يكن 432 علشان تلخبطه ويرجع يعد من تانى

18 _ ادخل المحاضرة واعد جنب واحد بيذاكر ومهتم واستلمه رغى من اول المحاضرة

وبكدة أقدر أقولك مبروك congratulation بقيت رخم

ملحوظة أخيرة : لو انضربت انا مليش دعوة:01: