لماذا عبرت الدجاجة المصرية الاوتوستراد

لماذا عبرت الدجاجة المصرية الاوتوستراد

لماذا عبرت الدجاجة الطريق هو موضوع نعرفه بالفعل منذ قديم الازل و الاراء فيه معروفة و هذة بعضها لنتذكرها معا علي سبيل المثال لا الحصر


ابوقراط : بسبب فرط افراز في البنكرياس
ريتشارد نيكسون : الدجاجة لم تعبر الطريق .. اكرر الدجاجة لم تعبر الطريق

سيغموند فرويد : ان الاهتمام بعبورالدجاجة للطريق يدل على وجود اضطراب في المشاعر الجنسية الدفينة
اينشتاين : ان كانت الدجاجة هي التي عبرت الطريق او ان الطريق هو الذي تحرك تحت اقدام الدجاجة فهذا يتعلق بنسبية الاشياء


اما في حالة الدجاج المصري الوضع مختلف تماماُ
لنعرض الان لماذا عبرت الدجاجة المصرية الاوتوستراد



وائل غنيم : لانها تحتاج الي مكان لتبكي فيه علي انفراد

صفوت الشريف : الدجاجة ممكن تعدي الطريق براحتها هي معندهاش حاجة تخاف منها و لا بطحة تحسس عليها

الاخوان : لانها تريد الانضمام لنا يمكن للنساء و المسيحين و الدجاج الانضمام فنحن لسنا ضد الحريات

السلف : عبرت الطريق !! مسفوك دمها و منتوف ريشها ( نبا من قيادات سلفيه تؤكد عدم قول هذا الكلام)


احمد عز : نحن نشكر الدجاجة علي تفجير ثورة تطوير عبور الدجاج الشارع

اوباما : يجب ان نربي دجاجنا الامريكي ليعبر الطريق مثل الدجاج المصري

الاخبار : عبور الدجاجه للطريق يذكرنا بعبور اكتوبر العظيم .. شكراً للرئيس مبارك بطل الحرب

انيس منصور: وراء كل دجاجة تعبر الطريق ..ديك يعبر الطريق خلفها و بإذنها

احمد حسن : الحمد لله و الشكر لله اعبور الدجاجه الطريق و كده ده بفضل الله سبحانه و تعالي و دعوات الجماهير اللي كانت مالية الطريق و كده

عمرو اديب: سيبكو م الدجاجه.. كان في الناحية التانية وزة بلدي متزغطه حاجه كده الهم صلي ع النبي انما ايه فله شمعه منوره

البرادعي : الحديث عن عبور الدجاجة الان سابق لأوانه لحين تعديل الدستور

القذافي : هادي الدجاجة من الجرذان اللي بتاخد حبوب هلوسة.. سأنتف ريشها ريشه ريشه حتي لا تستطيع الطيران للابد


الشيخ سيد : عبور الدجاجه الطريق معناه اننا في انتظار المهدي المنتظر .. و اللــــــــــــــــــه اعلم

تامر امين: ان عبور الدجاجه الطريق في هذه الفتره الحساسه من تاريخ مصر شئ مؤسف هسيب حضراتكم تحكموا عليه بنفسكم

مرتضي منصور : الدجاجه دي ملفاتها عندي .. و اللي حايشني عنها الريس مبارك

بيان الجزيرة : و اكدت مصادرنا عبور الاف الدجاجات الطريق

الصحاف : سنحاسب الدجاجه حسابا عسيرا هي و هي الدجاجات الامريكية العلوج

ايناس الدغيدي : هي حرة تعمل اللي هي عاوزاه .. كفايه جهل و تخلف بقي

فتحي سرور : الموافق ان الدجاجه عبرت الطريق يتفضل برفع يده .. موافقه

مبارك : هي عرفت تعدي الطريق ؟ امال بيقولوا ليه ان مصر فيها نسبه حوادث اعلي من كل دول العالم

الدستور : الدجاجة عبرت الطريق بتحريض من فلول النظام السابق

شريف مدكور : احب بس اقول لكل اللي شافوا الدجاجه و هي بتعبر الطريق يا ريت يا ريت ياخدوا بالهم و هما بيعبروا الطريق .. خصوصاً طنط سلوي عشان بتخاف تعبر الطريق لوحدها .. ازيك يا طنط سلوي عامله اية ؟

ممتاز القط : عبور الدجاجه الطريق بحرية تامه يرجع الفضل فيه للرئيس مبارك و نجله جمال .. و الطريق نفسه من انجازات الحزب الوطني

حماده سلطان : الدجاجه عرفت تعدي الطريق عشان كانت رايحة تقابل ديك متجوزاه عرفي .. تن تراران تن تن.. يا عيني رجعت مكسورة الجناح .. تن تراران
تن تن.. و عشان كده حلفت تقصقص ريشه .. تن تراران تن تن..


بقلم : محجوب ابو عجوة و بنجراوي نوفل رطاط لملوم القفل
من موقع
ط¨ط§ظ„ظ…ط®طھطµط± ط§ظ„ظ…ظپظٹط¯