جات في وقتها !! اكيد بتسألوا هي ايه ؟! لنسمه الجلاد

جات في وقتها !! اكيد بتسألوا هي ايه ؟!

رد فعل تلقائي من منظر شفته واكيد المنظر من كتر ما انا منبهره بيه طبعاً الانبهار كان باين علي وشي ومش وشي انا بس وكمان الشباب اللي كانوا واقفين جمبي ^_^ الوحي نزل عليا وقتها

وكأني إخترعت اختراع : )

وطلعت ورقة وقلم وكتبت
" آآآه يازمن البوكسرات والبناطيل الفيزون اللي عليها بضيهات"
من غير تريقه انتوا ايه رأيكوا ؟!
انا كبنت هل امشي علي الموضه تقليد اعمي وخلاص؟
والله اللي قال جمله (سلاح ذو حدين) بيقول كلام زي الفل : )

طيب ماتفكري يابنوته انتي وهي فيها ايه لما ناخد الحاجه الكويسه ونعملها مش لازم نقلد الممثله الفلانيه والكلام بردوا للشباب اللي زي الورد اللي بيعملو شعرهم سبيكي وبيفتحوا القميص لآخر زورار عشان يبقوا شبه تامر حسني

مين تامر حسني اللي كل يومين يقولولنا فيه شبيه ليه ولا شبيه ولا حاجه ده مثبت شغره بكيلو جيل ومربي دقنه وفاتح الزورارين اللي انتوا عارفينهم ..مش موضوعنا هرجع لموضوعي الاساسي اننا مناخدش اي حاجه من الغرب او من الشرق سيان اهي موضه ونقلدها وخلاص كل واحد فينا عنده حاجه بتميزه بتخليه هو التوب طبعا توب : ) لما يبتكر هوا حاجه والناس هي اللي تحب تقلدوا .. وبردوا هيفضلوا يقلدوا لانهم مش فاضيين يدوروا ايه اللي فيهم هيخليهم مميزين عن غيرهم ..

شباب ارجوكم بلاش تسقطوا البنطلون عرفنا ان الماركه قطونيل .. والبنات بردوا بتكوني اوووفر جدا لما بتسقطي البنطلون عشان بتبيني الديفوهات : )

متزعلوش مني اصل كل حاجه وليها حاجه
وفي ناس مش بيليق عليها اي حاجه
وناس ليها في الحاجه دي وناس ملهاش
فبلاش نقلد تقليد اعمي وخلاص بلاش

nesma elgallad