شيكا خليل
عدد المساهمات : 10008
نقاط : 30030
السٌّمعَة : 0
تاريخ التسجيل : 25/06/2013
 |  موضوع: من عيوني كلمتين في ودنك قبل ما تدخلي بيت العيله  الجمعة يوليو 05, 2013 7:13 pm | |
|
من عيوني كلمتين في ودنك قبل ما تدخلي بيت العيله
[ندعوك للتسجيل في المنتدى أو التعريف بنفسك لمعاينة هذا الرابط] 1-لازم تتفقي وبوضوح تام قدام الجميع انك هتعيشوا حياة مستقله عنهم
وانتي بقي بشطارتك تقدري تحافظي علي الشرط ده بعد الزواج لان هم ممكن يحاولوا يجروا رجلك (مثلا يقولوا طيب ما تاكلوا معانا انتي بقي بكل لباقه ان شاء الله طيب اتفضلوا انتو عندنا واطلعي منها بصنعة لطافه )اوعي تتنازلي ولا حتي في رمضان بس اول يوم واخر يوم لانه الوقفه ولو عندهم عزومه خليكي معاهم وممكن طبعا يتعزموا عندك واياكي تفكري تبقي عيشتكم مع بعض عشان مهما كنتي بتحبيهم يا قمر كل واحده بتحب تقعد براحتها في بيتها وتتصرف زي ما هي عايزه ومش تسمعي كلام الناس اللي بتقلك قوليلوا تقعدوا معاهم ده كلام هيجيبلك وجع القلب مهما كنتي بتحبيها 2- انزلي كل يوم بعد الظهر ساعديها شويه في البيت وبلاش تعملي كل حاجه لانها هتتعود ولو قصرتي شويه هتزعل ومش هتراعي انك حامل او تعبانه لان دي طبيعه البشر بيعتبروا المساعده حق مكتسبوطبعا ممكن تفوتي يوم كل كام يوم مثلا عشان مش يبقي نزولك فرض ممكن في اليوم ده تكوني بتنظفي الشقه او تنزلي تجيبي طلبات 3-لو حصلت يوم مشكله بينك وبينها بلاش تردي وفكري كويس ودافعي عن نفسك بدون استفزاز او عناد او صوت عالي واياكي تسيبي شقتها وتطلعي بعد اي خناقه لانها هتكبر مش هتصغر لكن كملي الوقت اللي متعوده تقعديه معاهم واطلعي عادي في ميعادك[ندعوك للتسجيل في المنتدى أو التعريف بنفسك لمعاينة هذا الرابط] 4-ما فيش مانع لو عملتي اكله حلوه تنزلي منها او كل فتره تعملي شويه محشي ليهم او تجيبي فاكهه مثلا او حاجه حلوه بس في المعقول لانكفي المستقبل مش هتقدري تعملي الحاجات دي باستمرا فمش تبقي اتغيرتي وكلام من ده [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]
5-طبعا في العيد اتفقي انتي وزوجك اي يوم يفضل يكون مع مامته واي يوم يكون معاهكي انتي واهلك ويوم في الشقه تقضوه لوحدكوا وتفرحوا مع بعض بالعيد او تخرجوا[ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط] 6-لو حسيتي ان في موضوع خاص بينه وبينهم مش تفضلي قاعده معاهم اطلعي شقتك وسيبيلهم فرصه يتكلموا علي انفراد ولو كان عندك وقالك انا نازل سيبيه ينزل وبلاش تنزلي علي طول ولو ناويه تطلعي اسبقيه مش لازم رجلك علي رجله
ولو قاعد مع مامته او حد من اخواته في اوضه بيتكلموا بلاش تدخلي الا لو لقيتي الوقت مناسب 8-خدي رأي حماتك في بعض الحاجات (الغير خاصه )ونفذي كلامها عشان تحس انك بتحبيها وبتاخديها كأم وبتقتنعي بكلامها يعني ما فيش مانع لو نازله تشتري لبس للبيبي اللي جاي في السكه قوليلها تعالي معايا عشان تاخدي رأيها وخليها تختار شوية حاجات والوانها حتي لو مش عجبتك اشكري فيها ( الكلمة الطيبه صدقه ) وفي الاخر الهدوم بتدوب وبينتهي امرها 9-لو قالتلك معلومه اكيد عندها حق من خلال خبرتها كأم وزوجه من زمان اشكريها ونفذي كلامها ولو حبيبتي تغيري مش تحسسيها عشان مش تزعل وخل بالك انها بتحب ابنها ونفسها يكون سعيد ولانها شايفه نفسها افضل ام في العالم نفسها تكوني نسخه منها فحسسيها بكده 10- لو نقدت شئ فيكي مش تظهري زعلك قوليلها ايوه عندك حق يا ماما واوعي تزعلي مع الوقت حدة النقد هتهدأ وتنتهي وهي اللي هتقولك عندك حق بعد كده وهتعاملك كأنك جزءمن اسرتها اللي بيقتنعوا برأيها بلاش تاخدي كلامها علي انه نقد استحمليها وناقشيها براحه[ندعوك للتسجيل في المنتدى أو التعريف بنفسك لمعاينة هذا الرابط] 11-لو تعبانه انزلي بدري شويه افضلي معاها طول اليوم واعتبريها مامتك وجهزيلها الشقه واعمليلها كل شئ ودي اكتر نقطه تخليها تحبك زي بنتها تمام وتدعيلك علي طول وخلي بالك دعوة الحما للسما [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط] 12-في عيد الام لازم تجيبلها هديه حلوه ومميزه بقدر استطاعتك[ندعوك للتسجيل في المنتدى أو التعريف بنفسك لمعاينة هذا الرابط] 13-قبل العيد ساعديها في تنظف الشقه علي قدر استطاعتك يعني مثلا قوليلها انا عايزه يا ماما ار تب الريسبشن واعلق الستاير عشان العيد او شوفي بقي ممكن تساعدي في ايه وطبعا لو هي ست كبيره وعيالها بعيد عنها اغلب الوقت وهي مش قادره يا ريت لو تعملي اللي تقدري عليه واحتسبيه عند ربنا 14-اشكري فيها قدام الناس بس بدون نفاق او اكثار من المجامله وكمان اسمعي كلامها قدام الناس واظهري حبك ليها عشان هي كمان تحبك وتحس انك بتقدريها ولو حد وقع بينكم مش تسمع كلامه 15-اياكي ثم اياكي تحكيلها علي مشاكلك مع اهلك مهما كنتي زعلانه واياكي تنقديهم حتي لو فيهم العبر احترميهم بزياده قدامه وبوسي ايديهم ورجليهم
وافتكري ان اهلك هم اللي هيقفوا معاكي في اي مشكله فديما خليهم كبار قدامهم وبلاش مبالغه في انك تكلمي عليهم وتشكري فيهم بزياده لان اهل زوجك بيعتبري انك بتتباهي بيهم علي حسابهم 16- لما ربنا يكرمك وتخلفي ديما قوليلها ان ابنك بيحبها ومتعلق بيها وبسأل عليها وخليه يحبها لانها كده هتحبك اكتر وكمان ابنك هتكون صحته النفسيه افضل
17-قربي ما بين اولادك واهل زوجك لاهم اهلهم وخليهم يحبوهم ومش تشتكي لزوجك ابدا قدام العيال عشان هم بياخدوا موقف سلبي نتيجه لكلامك من اهلهم 18-اياكي تحكيلها علي مشاكلك مع زوجك ابدا دي حاجه خاصه وكمان هتتفاجئ انك لو حكيتلها عمرها ما هتقف معاكي لان ده ابنها وتربيتها ازاي بقي يكون غلطان
واتفقي مع زوجك علي كده ولو وقع بلسانه وقالها قوليلها انك خفتي تزعليها بمشاكلكم 19-لو روحتي اي مكان ادخلي عندها الاول وقوليلها واطلبي منها تقولك لو عايزه حاجه ولما ترجعي عدي عليها عشان تطمن عليكي يعني مش معقول تكون معاكي في نفس البيت ومش تعرف انتي جوه البيت ولا بره وبلاش تعتبري انك بتاخدي الاذن وفهميها بطريقه حلوه انك بتعدي عليها عشان تطمني عليها وتطمن عليكي لانها زي مامتك تمام 20-لو زوجك مسافر او موجود اقعدي معاهم مده معينه مش تزوديها وعادي لو مسافر يفضل هو معاهم وانتي اطلعي اعملي الاكل مش شرط يعني تاكلوا معاهم الا لو طلبوا منك كده ويبقي يوم بس مش علي طول اوعي تتنازلي عن حياتك المستقله لانها نعمه كبيره اوي
21-بلاش تظهري مشاعرك قدامهم ناحية جوزك يعني رغيكوا مع بعض قدامهم او القبلات وبوس الايدين والكلام الفاضي ده في شقتكم وكفايه انك تقوليله لا اله الا الله وهو خارج
لان الكلام ده بيخليها تغير وتقارن نفسها بيكي وكمان نفس الشئ قدام اخواته البنات اعرف ناس كتير اوي المواضيع دي سببتلهم مشاكل كتير فيما بعد يكفي قدامهم الاحترام المتبادل وما تخافيش مع الوقت هيعرفوا انه بيحبك مش الكلام ده اللي هيعرفهم علي العكس بحس ان الناس اللي محرومه من الحب هي اللي بتمثل علي الناس الحب فاهميييييين يا كتكوتات[ندعوك للتسجيل في المنتدى أو التعريف بنفسك لمعاينة هذا الرابط] 21- لو حصل حاجه بينك وبين اهل جوزك بلاش تجري علي الموبيل وتحكي اللي حصل حاولي تصبري انتي وهم او انتي وزوجك هتتصالحوا لكن امك وابوكي لن ينسوا الاساءه التي تعرضتي ليها ولكن اذا اساؤا لأهلك اياكي ان تسامحي في حقهم وردي بكل ادب وزوق ولن يلومك احد ابداااااااااااااا 22- بلاش تسمعي كلام اي حد ممكن يخرب بيتك ليكي عقل فكري وميزي ايه الصح وايه الغلط حتي لو كان الكلام من مامتك ساعات الامهات بيقولوا حاجات وقت الغضب خلي بالكم وفكروا وبلاش تسرع واولا واخيرا اوصيكي بالاستغفار والدعاء دائما بأن يؤلف قلوبكم ويهديكم لبعض ويصلح ذات بينكم ولا تنسوا أن الزواج مش فستان ابيض بمئات او الالاف الجنيهات ومش فرح رقص للصبح ومش شقه الكل بيتكلم علي جمالها ولا شبكه تفرحي بيها وتقطم وسط العريس وفي الاخر من الغيظ بياخدها يبيعها لكن الزواج تفاهم واحترام واخيرا حب
 | |
|
1m here
عدد المساهمات : 805
نقاط : 805
السٌّمعَة : 0
تاريخ التسجيل : 05/07/2013
| |
Youth56
عدد المساهمات : 14630
نقاط : 14632
السٌّمعَة : 0
تاريخ التسجيل : 23/06/2013
| | موضوع: _da3m_22 الجمعة يوليو 05, 2013 8:09 pm | |
|  مأراوع قلمك حين يصول ويجول بين الكلمات تختار الحروف بكل أتقان .. تصيغ لنا من الأبداع سطور تُبهر كل من ينظر إليها .. دائمآانت متألق
| |
|
Youth56
عدد المساهمات : 14630
نقاط : 14632
السٌّمعَة : 0
تاريخ التسجيل : 23/06/2013
| |
فقدت كلمة المرور؟
فقدت إسم العضوية؟
