اغرب واطرف المهن في العالم ادخل وعطينا رايك

السلام عليكم اعضاء وعضوات المنتدى الكرام
اليوم موضوعنا لزيز ومؤلم شوي
رح نحكي عن اغرب المهنننننننننننن\

بالاول على مستوى العالم العربي وبعدين رح نتوسع :
1- الشحادة :تعد المهنة الاكثر انتشارا في مجتمعاتنا ولكنه مع تقدم التكنولوجيا اصبحت تقليدية حيث اشتقت منها مهن ثانية افظع منها بكثير
المهم هذه المهنة اغلب ممتهنيها من الاطفال المعصمصين<انظر قاموس الشوام احد مواضيعي<هالاطفال بينتشرو عند اشارات المرور الاكثر ازدحاما ومايميزهم انهم ينطون في وجهك نطا متل القضى المستعجل ويبدؤن بالدعاء لك ولاسرتك ولمعارفك ولجيران جيرانك لييييييييييييييش ولووووووو مشان الفلوس لأن هؤلاء غالبا يكون الواحد منهم نجل عائلة مفككة او عائلة مترابطة ولكن عليلة يعني غالبا ام الشحاد بتكون مشلولة وابوه مقضيها صياعة واخوه ملحوش بالمشفى<هالحكي حسب رواياتهن يعني انا ما جبت شي من عندي<المهم اذا حن قلبك عليه وعطيتو المعلوم بتكون فضلت واذااااااااااا ماااااااااا عطيتو يالطيف شو بيصير اولا ابشر ببزقة بنص خلقتك وابشر بكل انواع الامراض اللي رح يدعي عليك فيها وخود بقى على مسبات وبهادل <انصحك في هذه الحالة سكر نافذة السيارة فور رفضك لاعطائه الفلوس<مشان ما تبقى فضيحتك بجلاجل على قولة اخواننا المصريين.

2-المسامير على الطريق : ايضا كسابقتها ممتهنيها اطفال عادة يتفق معهم احد البنشرية على رمي المسامير في الطريق بهدف الاذى والتعطيل وكسب النقووووود طبعا بس هدول بيكون اجرهم سنوي يعني عالموسم لانو مو دايما بتظبط معهم خاصة اذا كان السائق فلهوي ومركب اطارات أفامياااااااااا.هههههههههههه
3-القهوة المرة:هي بقى نيووووووووووو كتير يعني جديدة ومبتكرة كمان تتمركز عند اشارات المرور بس هون بقى صبيب القهوة بيكون شب معدل وظريف يقترب منك بخفه ويمد يده من النافذة وبيعطيك فنجان قهوة مرة وبيقلك تفضل يا أبضاي شكلك خرمان على فنجان قهوه تفضل وادعي للاموات بتقوم انت بتمسك هالفنجان وبتدلقو بحلقك دلق وانت طاير عقلك من الفرح بهالكرم الحاتمي بس ما بتكون عرفان النتايج لااااااااااااااازم تدفع اللي فيه النصيب ياأبضاي
المهم اذا قبلت الفنجان من ايدو و دفعت بتكون فضلت اما اذا ما قبلت الفنجان ييييييييييييييييييييييييييييييييي
رح تتبهدل يعني اول الشي ابو الشباب بيرمي الفنجان بالارض بعصبية وبعدين بيصرخ فيك وبيقلك
انا كنت مفكرك زغرتي ومعدل طلعت........ وبيدير ضهرو وبيمشي بعد ما بعزقلك كرامتك
بهالحالة حط لسانك بحلقك وسكوت وركب اول وطيييييييييييييييير ياعم.
المهم هالمهن لايمتهنها الا المحتاج والمشحر اللي مو ملاقي لقمة ياكلها {مودايما في ناس عونطجية}
اما عالصعيد العالمي فمن اغرررررررب المهن مايلي:
1-جمع القمل: انتشر في احد مناطق العالم داء يسمى بالتيفوس والغريب ان علاجه هو الامصال التي تستخلص من القمل
وهنا قامت عجوز بامتهان هذه المهنة المريعة وصارت تؤمن القمل للمعامل وتتقاضى على كل قملة مبلغا معينا .
2-جمع العقارب والافاعي :هذه المهنة يمتهنها اولاد صغار غالبا يكونون من سكان البادية >ولا اقصد البدو انما السكان قد يكونون غجر مثلا< المهم تقوم المهنة على استدراج الافاعي والعقارب وجمعها وتوريدها الى مصانع الادوية لاخذ سمومها واستخدامها في صناعة امصال مضادة لسمومها.
3-جمع الحشرات وبعض الحيوانات: تحتاج المدارس الثانوية والجامعات بعض انواع الحشرات لتشريحها خلال دروس العلوم
فهناك اناس قد امتهنو هذه المهنة وصارو يجمعون ما لذ وطاب من انواع الحشرات والضفادع ويبعثون بها الى المدارس والجامعات لقاء اجر معين
وفي موسم القحط والعطل المدرسية يقوم هؤلاء بتوريد هذه الحشرات الى حدائق الحيوانات لاطعامها منها طبعا مقابل اجر سنوي .
والله في جعبتي الكثير بس اليوم حاجتكن
ردووووووووووووووود ياوروووووووووووووووود
[ندعوك للتسجيل في المنتدى أو التعريف بنفسك لمعاينة هذا الرابط]

لـ حفظ الموضوع والإستفاده منه إستخدمى هذا الرابط :
[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذا الرابط]