شيكا خليل
عدد المساهمات : 10008
نقاط : 30030
السٌّمعَة : 0
تاريخ التسجيل : 25/06/2013
 |  موضوع: ومن جديد بنتك على وشك البلوغ ....هتتعاملى معاها ازاى ؟؟؟  الجمعة يونيو 28, 2013 4:00 am | |
|
[ندعوك للتسجيل في المنتدى أو التعريف بنفسك لمعاينة هذا الرابط][code][/COD
E] بسم الله الرحمن الرحيم
موضوعى الجزء الاول اتقفل لانه تعدى ما شاء الله 50 صفح من التعليقات الجميلة من الفتوكات الاجمل وحبيت افتح جزء جديد بنية زيادة الاستفادة
ولو عجبكم الموضوع ما تنسوش التقييم
احلى سلام على احلى فتوكات
انا جاية اكلمكم فى حاجة عيب ...هههههههههههه
[ندعوك للتسجيل في المنتدى أو التعريف بنفسك لمعاينة هذا الرابط]
لا طبعا انا جاية اتكلم معاكم على [ندعوك للتسجيل في المنتدى أو التعريف بنفسك لمعاينة هذا الرابط] وازاى الام تتعامل معاها
وقبل ما ابدا ...من اكتر المعتقدات الخاطئة السائدة عندنا ...هو الكتمان [ندعوك للتسجيل في المنتدى أو التعريف بنفسك لمعاينة هذا الرابط]
ايوووووووووووووووووووووووووووون وهس وبس وعيب الاسئلة المحرجة دى وده طبعا بيتنقل لبناتنا وتتربى عندهم نفس الافكار الخاطئة والتجربة خير مثال
انا والدتى تقريبا كانت متكتمة على موضوع الدروة الشهرية والبلوغ رغم اننا 3 بنات وكنتيجة ولانى الكبيرة
اول ما جت عندى اترعبت وخوفت وعيطت [ندعوك للتسجيل في المنتدى أو التعريف بنفسك لمعاينة هذا الرابط] وفضلت فترة طويلة كارهه الموضوع جدا ومش عارفه اتعامل معاه كتغيير طبيعى فى الجسم
عجبتكم المقدمة دى
يلا نبدا
بسم الله
انتى ام وعندك بنوتة قمورة
مش هتستنى لما تبلغ
لا انتى هتبداى قبلها بفترة معقولة
يعنى ايه ؟؟؟
تعالى على سن خامسة ابتدائى او لما تبداى تلاحظى ان جسم البنوتة ابتدى يتغير
هنا اشارة ان مرحلة جديدة هتبدا ولو عايزة تكونى اول صديقة لبنتك لازم تبداى من هنا
تبداى انك تتعرفى فعلا على تركيب الانثى وابسط طريقة انك تبحثى على النت وتشوفى صور وكلام سهل وبسيط او يا ستى استلفى كتاب احياء واقرى واتعلمى
تيجى تاخدى بنوتك فى قاعدة صفا كده وتفهميها واحدة واحدة ان جسمها جواه حاجة اسمها رحم ومبيض وفريجها الصور التشريحية
وانسى من قاموسك كلمة "عيييييييييييييييييييييييييييييييييييييييييييي يييب "
اذا ما كنتش البنوتة هتتكلم مع مامتها فى المواضيع دى هتتكم مع مين يعنى ...معايا انا [ندعوك للتسجيل في المنتدى أو التعريف بنفسك لمعاينة هذا الرابط]؟؟..ههههههههههه
وبرضه واحدة واحدة اشرحى ليها التغييرات الى هتحصلها قريب
يعنى تغيير شكل الجسم وبروز الصدر والدورة وظهور الشعر فى الابط والعانة
وفهميها انها حاجة عادية بتيجى لكل البنات ومش حاجة وحشة او حاجة تخاف منها
بل بالعكس دى هتبقى انسة وانثى وسكرة .....
ورهاب الدم مهم جدا [ندعوك للتسجيل في المنتدى أو التعريف بنفسك لمعاينة هذا الرابط] ...لان منظر الدم ممكن يخوف البنوتة
بس انتى خدى الحكاية ببساطة وضحك وهى هتتقبل الموضوع بشكل افضل
الجزء التانى
استعدى قبل بنتك
يعنى ايه ؟؟؟
تعالى انزلى اشترى ليها اندر جديدة للانسات بقى وشكلها كيوت وعلى الموضة
واشترى علبة فوط كتكوتة كده
واديهم ليها استعدادا للحدث القريب وعرفيها بكل بساطة ازاى تركب الفوطة
ازاى تتعامل معاها ؟؟؟
تغير كل اد ايه ؟؟؟
النظافة الشخصية ؟؟؟
وتلبس هدوم يفضل فى الاول تكون غامقة علشان اى بقع فى الاول البنت ما تتحرجش
كده انتى استفادتى ايه
اولا عرفتى بنوتك مسبقا منك انتى وخدى بالك منك انتى طبيعة الموضوع وشيلتى هاجز الخوف والتوتر
ومنعتى عنها المعلومات الغلط [ندعوك للتسجيل في المنتدى أو التعريف بنفسك لمعاينة هذا الرابط]اللى ممكن تسمعها من صاحبتها او النت
الجزء التالت
" [ندعوك للتسجيل في المنتدى أو التعريف بنفسك لمعاينة هذا الرابط] "
ايووووووووووووووووووووووووووووووون وما حدش يضحك [ندعوك للتسجيل في المنتدى أو التعريف بنفسك لمعاينة هذا الرابط]
اول ما تيجى ليها هى هتعرفك لانك انتى مهدتى احسن تمهيد
هتعملى ايه هتبتسمى وتاخديها فى حضنك وتقولى "اهلا اهلا بالانسة بنتى "وتنزلى زى الشطارة انتى وهى وتاكليها ايس كريم وابقى هاتى لى معاكى ..ههههههه"اصلى بحبه اوى [ندعوك للتسجيل في المنتدى أو التعريف بنفسك لمعاينة هذا الرابط]"
ويا ريت تشترى ليها هدية
انتى كده استفادى ايه ؟؟
هاقولك
حولتى الرعب والخوف من البلوغ لحاجة جميلة هترتبط فى دماغ بنتك بفسحة وهدية ظريفة
اكتسبتى صديقة جديدة وهى بنتك يعنى هتضمنى انها هتكلمك فى كل حاجة لان حاجز الكسوف انتهى وياما بنشوف مشاكل بين البنت وامها والكسوف من الحديث معاها بخصوص االمواضيع دى
واخيرا
هتلاقى حالة بنوتك النفسية عادية ومبسوطة لان اللى جت دى مش بلوة دى حاجة بتيجى لكل النساء ولما بتغيب عنهم كمان بيزعلوا
وكلمة فى ودنك "احترمى خصوصيات البنوتة ...يعنى مش لازم تعلنى فى ودن كل قرايبك ان البنوتة بلغت علشان تحافظى على مشاعرها [ندعوك للتسجيل في المنتدى أو التعريف بنفسك لمعاينة هذا الرابط] "
ايه رايكم
عجبكم كلامى .؟؟؟؟ [ندعوك للتسجيل في المنتدى أو التعريف بنفسك لمعاينة هذا الرابط]
لو عجبكم يا ريت التقييم
ويا ريت تدعولى ربنا يوفقنى ويرزقنى الزوج الصالح عاجلا علشان اخلف البت اللى هاحكيها كل ده باذن الله
وسلام عليكم | |
|
بنت ابوي
عدد المساهمات : 502
نقاط : 502
السٌّمعَة : 0
تاريخ التسجيل : 11/09/2012
العمر : 32
| |
فقدت كلمة المرور؟
فقدت إسم العضوية؟