التغذية الصحية للطفل وعناصرها الغذائية ارجو التثبيت

إزيكم يا حبايبى بصوا بقى لو عندك نونو قمر وعثل وهااااااااااااادى طبعا زى بنتى [ندعوك للتسجيل في المنتدى أو التعريف بنفسك لمعاينة هذا الرابط]وتم [ندعوك للتسجيل في المنتدى أو التعريف بنفسك لمعاينة هذا الرابط]

• صفار البيض وممكن تهريسهوله مع مثلث جبنه نستو أو شوية فول متقشرين

• ضهر سمك مشوى صغير

• شوربة فراخ بلسان عصفور أو شوية رز وحتة فرخه صغيرة متسوية كويس جدااااااااا ومهروسة

• زبادى بالفواكة ويفضل تحطى زبادى ساده مع موزة او حته مانجه أو أى فاكهه من عندك وتضربيها فى الخلاط لان زبادى الفواكة اللى بتتباع بره بيبقى طعم بس مش فاكهه طازة

• شوربة خضار اسلقى ( كوسة , بطاطس , طماطم , جزر , شوية عدس أصفر ) واضربيهم فى الخلاط وممكن كمان تسوى فيهم شوية شعريه)

• الفاكهه عملتها زى وجبات هيرو الجاهزة بالظبط لان بنتى مكنتش بتاكل غيرها لحد ما قابلت قريبتى قالتلى بتعملها ازاى بصى يا ستى ممكن تسلقى التفاح مع الكمثرى وبعدين تضربيهم فى الخلاط وبعدين تحطى عليهم معلقتين نشا صغيرين لحد ما يغلوا وتحسى انهم بقوا زى المهلبيه متوسطه القوام وكمان ممكن تعملى فواكهه مشكلة وهقولك إزاى ومن غير سكر ولا عسل زى ما الدكاترة بيقولوا هاتى تفاحة او كمثرى أو خوخ ومعاهم فواكه مجففه بتاع رمضان مشمش وقراصية وتمرايه او اتنين وقطعيهم واسلقيهم سوا واضربيهم واعمليهم بنشا برضه بيبق طعمهم والله زى الهيرو بالظبط والاطفال بيحبوه

وعلى فكرة الطريقة الأخيرة بتاع الفاكهة دى تنفع من سن أربع شهور