إذن من واجبك كأم أنك تخططي لطعام طفلك
بحيث تكون قيمته الغذائية مرتفعة وأنك تقدميه ليه
بطريقة محببة، وسيبى الباقي لطفلك.
☼☼☼☼
لحد عمر 10 سنين تقريباً مش بيتقبل كثير من الأطفال إلا أنواعً معدودة من الأطعمة،
ولكن كلما كبرو كلما بدؤو تدريجياً فى تقبل أنواع أكثر من الأطعمة.
☼☼☼☼
لكن مش معنى كدا أننا نتوقف عن المحاولات اللى هانقوم بيها لتحسين وجبات أطفالنا وحبايبنا الصغار،
بل على العكس فمن المهم تقديم نوعيات صحية مختلفة من الأطعمة و تشجيع الأطفال على تناولها.
☼☼☼☼
وعند تنفيذك للنصائح اللى جاية
لازم تحطى في اعتبارك أنه بشكل عام،
الأطفال لحد سن 4 سنين مش بيأكلون كثير فى المرة الواحدة، ومش بيستهلكو كميات ثابتة من الطعام في كل
وجبة.
☼☼☼☼
ممكن الطفل مايفطرش ولكنه يأكل كويس جدا في وجبة الغذاء.
يبقى من الأفضل أنك ت سمحي لأطفالك
بأنهم يأكلوا تبعاً لدوافعهم الداخلية من جوع أو شبع،
وبلاش تخليهم يعتمدون على التأثير الخارجى
وطبعآده بيحصل فى حالة إنك تخليهم يأكلون أكثر من احتياجاتهم.
☼☼☼☼
ولما بتسيبى الأطفال يأكلو الكمية اللى عايزينها،
بتكون كمية السعرات الحرارية اللى بيأخدوها فى خلال فترة معينة، ثابتة
، واللى بيحصل بس إنه بيتم تناولها بشكل متفرق على مدار الفترة دى.
☼☼☼☼
من الأرجح أن الأطفال اللى بيأكلو نوعيات مختلفة من الأطعمة بينالو كل العناصر الغذائية اللى بيحتاجوها،
لكن لازم أنك تتقبلى أن تفضيل المكرونة والبيتزا والبطاطس المحمرة أمر طبيعي بالنسبة للأطفال.
☼☼☼
ومن العدل أنك تقبلى فكرة أن فى أطعمة بيحبوها وتانية مش بيحبوها،
زى بالظبط ما بتحترمي رغباتك أو رغبات زوجك.
☼☼
الفرق بالنسبة للأطفال أننا واجب علينا ت شجعيهم على زيادة النوعيات اللى بيفضلوها.
وعلشان نحقق دا،
لازم أن نشجعهم على تقبل أنواع جديدة من الأطعمة،
ولكن ماينفعش أننا نغصبهم على أكل حاجة مش بيحبوها.
☼☼☼☼
ولازم تعرفى إنك لو إديتى أهمية كبيرة أمام أطفالك لموضوع طعامهم،
فهايتعمدو رفض الطعام علشان يثبتوا استقلاليتهم.
☼☼
لازم يحسو الأطفال أنهم بيأكلو لأنهم عايزين كدا مش لأنك بتضغطي عليهم.
ولما يتميز أسلوبك معاهم بالهدوء، هاتلاقيهم بيأكلون حتى أنواع الطعام اللى كانو بيرفضوها قبل.كدا
☼☼
ويا حبيبة قلبى لااااازم أنك تتعودى إلى حد ما على تقبل عادات أكل طفلك،
لكن لسة فيه بعض الأشياء اللى ممكن تقومى بيها لتحسين العادات دى .
☼☼☼☼
• ياريت تحترمي رغبة طفلك فى الأكل أو عدم الأكل. بلاش تجبرى طفلك أو تستخدمى الرشوة
علشان تخليه يكمل طبقه.
☼☼☼
• كوني قدوة حسنة وتناولى الأطعمة الصحية لأن طفلك هايقلدك.
☼☼☼
• حاولي أن يكون طفلك جعان قبل مواعيد وجباته. قللى من إنك تديله أطعمة أو عصائر بين
الوجبات، وتوقفى عن استخدام المأكولات السريعة كمكافآت أو أداة لعب .
☼☼☼
• احرصي على تقديم الأطعمة المحببة للأطفال.على سبيل المثال، فالأطفال مش بيحبو الأطعمة الجافة
أو اللي تحتاج إلى مضغ كثير، علشان كدا كثير من الأطفال مش بيحبو أكل اللحوم.
قطعي الطعام إلى قطع صغيرة وخلى طريقة تقديم الطعام جذابة وتحتوى على عدة ألوان. ممكن أنك تصنعي أشكال فنية مختلفة باستخدام قطع الفواكه والخضروات.
• سيبى الأطفال ياكلو بنفسهم، فهما بيستمتعو أكثر بكدا ودا بيخليهم أكثر رغبة فى تناول الطعام، وممكن انك تقعديهم فى مكان يسهل تنظيفه فيما بعد.
☼☼☼
• قدمي أكثر من صنف ليختار طفلك من بينها.
على سبيل المثال،
بلاش تقدمي لطفلك فى الغذاء الخضراوات المطبوخة بس
ولكن قدمي كمان بعض الخضراوات والفواكه الطازجة والمقطعة مثل الفلفل الرومي، الخيار، شرائح التفاح، وفصوص البرتقال.
☼☼
وممكن تستخدمى اللى هايتبقى من الطعام بعد كدا فى وجبات تانية
.وكمان ضيفي لطبق طفلك الإضافات أو الصلصات اللي بيحبها وجهزي لطفلك بعض المقبلات المغذية اللى بيغمس الخضروات الطازة فيها. زى الكاتشب والمايونيز _اللى انتى عاملاهم فى البيت طبعا_
• حاولي تعويض نوعيات الأطعمة اللي مش بيحبها طفلك بنوعيات تانية يحبها.
على سبيل المثال،
إذا كان طفلك بيرفض الخضراوات،
حاولي أنك تعرضي عليه بدلاً منها الفواكه لأنهما يحتويان
على نفس العناصر الغذائية.
• اخفي الأطعمة اللي مش بيحبها أطفالك فى الأطعمة اللي بيحبوها.
على سبيل المثال
، ضيفي جزرة مهروسة لصلصة الطماطم عند عمل المكرونة.
وإذا كان طفلك بيحب العيش ومش بيحب اللحم،
حاولي أنك تقدمي له بعض أصابع الكفتة “البانيه”.
☼☼☼
• شجعي أطفالك على تجربة أنواع جديدة من الأطعمة حتى ولو ملعقة واحدة.
اتركي لأطفالك الحرية لو ماعجبهمش نوع معين من الأطعمة،
لدرجة أنك تسمحي لهم بأنهم يخرجوا من فمهم الطعام اللي مش بيعجبهم فى منديل ورقى، وامدحيهم على تقبلهم التجربة.
• شجعي طفلك على تناول الأطعمة ذات القيم الغذائية العالية
مثل البيض، اللبن، الفاصوليا البيضاء، الزبادي، السلمون، والجبن.
☼☼☼
• قدمي لطفلك أنواع طعام جديدة جنباً إلى جنب مع أنواع الطعام اللي بيحبها.
على سبيل المثال،
قدمي له طبق من الدجاج اللي كان بيرفض أنه يجربه قبل كدا،
وفى نفس الوقت قدمي له العيش اللي بيفضله
وبعض الخضراوات اللي إنتى عارفة أنه هايأكلها.
☼☼☼
و إعرفى إن الطعام اللى بيحبه مع كوب من اللبن
هايمده بالعناصر الغذائية اللي محتاجها.
شجعيه على تذوق الدجاج، فممكن يعجبه بعد كذا مرة.
☼☼☼
• كوني صبورة. لإن الأطفال بمرور الوقت
بيحبو أصناف الطعام الجديدة اللي بيتعودو على رؤيتها كثير على السفرة
وشايفين باقى أفراد الأسرة بيتناولوها.
▒▒▒▒▒▒▒▒▒▒▒▒▒▒▒▒▒▒▒▒
فى الواقع، تشير الدراسات إلى أن المسألة
تستغرق 10 مرات إلى أن يبدأ الطفل فى مجرد التفكير فى تذوق الطعام الجديد.
▒▒▒▒▒▒▒▒▒▒▒▒▒▒▒▒▒▒▒▒
• أ شركي طفلك معاكى في طعامك.
▒▒▒▒▒▒▒▒▒▒▒▒
ولازم أقولك
“إن واجبك كأم أنك تخططي لطعام طفلك بحيث تكون قيمته الغذائية مرتفعة وأنك تقدميه ليه
بطريقة محببة، وسيبى الباقي لطفلك.”
▒▒▒▒▒▒▒▒▒▒▒▒
• شجعي طفلك على مساعدتك فى المطبخ،
فهايكون طفلك أكثر تحمس لتناول الطعام اللي
شارك بنفسه فى إعداده.
☼☼☼
على سبيل المثال
، ممكن يقطع الخس بيده – بدون استخدام
السكين – لتحضير السلطة،
كمان ممكن مساعدتك بتقليب العجين بالملعقة عند عمل الكيك.
☼☼☼
• بلاش تستخدمي الحلويات كمكافأة،
فدا هايوصًل لطفلك رسالة أن الحلويات صحية وبكدا
هاتزيد المشكلة بدلاً من أنها تتحل.
☼☼☼
• حاولي الحفاظ على هدوئك دايماً، وخلى أوقات الوجبات دايماً ظريفة
☼☼☼
• تذكري أن المشكلة دى لن تدوم فالأطفال كلما كبرو كلما بدؤو تدريجياً فى تقبل
أنواع أكثر من الأطعمة
▒▒▒▒▒▒▒▒▒▒▒▒▒▒▒▒▒▒▒▒▒
▒▒▒▒▒▒▒▒▒▒▒▒▒▒▒
▒▒▒▒▒▒▒▒▒▒
▒▒▒▒▒
☻☻
▒▒▒▒▒▒▒▒▒▒▒▒▒▒▒▒▒
اللهم أحفظ ذريتنا من كل سوء وأحفظ لنا صحتهم من أمراض الدنيا عافهم وتولهم أنت مولانا عليك توكلنا واليك المصي ر
▒▒▒▒▒▒▒▒▒▒
التقييم على إيدك الشمال وإنتى طالعة ☺
فقدت كلمة المرور؟
فقدت إسم العضوية؟
موضوع: تغذية طفلك مسؤليتك ♥♥يعنى صحة طفلك من مطبخك 
الجمعة يونيو 28, 2013 12:02 am