أكلى ابنك وخدى حسنات كتييييير اقولك ازاى

طبعا كلنا الضغط بيعلى لما بنأكل ولادنا البيبيهات
مرة يتفوا الاكل ومرة يحوشوه بالساعة ومرة يرجعوا ومرة يدلقوا الطبق ومرة يقفلوا بقهم بالضبة والمفتاح ولا يفتح بالطبل البلدى

فانا عشان الضغط عندى بيضرب فى دماغى وعشان متهورش والواد ميتعورش

قررت




الاتى


تسبيح وتهليل وتكبير فى هدوء وسكينة مهما حصل
صلاه على الرسول فى كل معلقة

بقعد اسبح 33 واحمد 33 واكبر 34 طول الوقت وانا قاعدة باكله
وانا كنت بجد ابتديت اخد مهدئ عشان اكتر حاجة بكرها فى حياتى وقت الاكل لانى فعلا اعصابى بتتعب منو جدا وانا صبرى وخلقى ضيق جدا يعنى مثلا عمرى ما حمرت العيش على النار عشان ام الوقت الكتير اللى بياخده فبحطه فى الميكروويف

طبعا ناس كتير عندها العيب ده ويارب يدينا طول البال والصبر يارب العلمين
بس فعلا لقيت ان ده الحاجة الوحيدة اللى بتخلينى مش اتجنن قصدى مش اتعصب لانى كنت بحس بدمى وهو بيطلع فى دماغى تحيلوا والله العظيم بحس كدا بفوران فى دمى واحس كأنو طلع على دماغى فخفت على نفسى وجربت طريقة التسبيح دى والصلاة على الرسول وبجد هديت اوى الحمد لله والشكر لله



منها الواحد ميتعصبش على طفل برئ جميل بس كلب مش عايز [ندعوك للتسجيل في المنتدى أو التعريف بنفسك لمعاينة هذا الرابط]
ومنها ياخد [ندعوك للتسجيل في المنتدى أو التعريف بنفسك لمعاينة هذا الرابط] وميحسش بالوقت


جربوها وادعولى لو نجحت معاكوا وقولوا ربنا يجازيكى كل خير يانسمة هههههههه
قلتلكوا على اسمى عشان تدعولى ربنا يهدى ابنى وياكل ويحفظهولى