بسم الله الرحمن الرحيم
[ندعوك للتسجيل في المنتدى أو التعريف بنفسك لمعاينة هذا الرابط] والصلاة والسلام علي أشرف المرسلين سيدنا محمد صل الله عليه وسلم وعلي أله وصحبه أجمعين
بصوا بقي يافتاتيكي
هنبتدي كده بثلاث حاجات أولا تصلوا ع النبي
وثاني حاجه تدعوا لأبني وزوجي وليه بالهدايه ولأبي وأمي وحمايا بالرحمه
وثالثا تقيموا الموضوع ععلشان أن شاء الله يتثبت ياقمرات
أن طبعا كلنا بنحتاس مع أولادنا في مرحلة الاكل وكل مابيكبروا كل مابيقرفونا جدا
طيب جاتلي فكره روعه وسهله وهتعجب الاطفال جدا ان شاء الله
أولا ابنك بيحب الحليوات وبيكره الفواكه
طيب ليه مانخليش الفواكه علي شكل حلويات ومسكره زيها وابنك ياكلها وياخد فوايد الحلويات
تعالوا نشوف ازاي وهقولكم انا عملت ايه
أولا انا ابني بيعشق حاجه اسمها شيكولاته فأنا عملت ايه
جيبت قطعه شيكولاته صغيره جدا وبكده بدل ماابنك ياكل شيكولاته كبيره هياكل قطعه صغيره وتتجنبي خطر التسوس والحلويات الكتير
يعني تاخدي بار واحد فقط من اللي في الصوره دي كفايه قوي لأنك لو عطيتيله الشيكولاتايه كلها مش بعيد ياكل نصها مره واحده او ممكن كلها كمان
بعد كده تحطي البار ده طبق غويط وتحته حله او طاسه وتعمليله حمام مياه سخنه لحد مايسيح بالشكل ده
بعد كده تضيفيلها معلقتين تلاته حليب علشان تكون سائله وحجمها اكتر وكمان الحليب هيكون مفيد لطفلك بس المهم الشيكولاته تفضل تقيله شويه
بعد كده تجيبي صنف الفاكهه اللي تحبيه مثلا موز أو فراوله أو كمثري أو خوخ أو تفاح
وبعدين تبتدي تنزلي عليه شويه شيكولاته خفيفه بحيث يطعم بس الفاكهه ويخلي شكلها مختلف ودي نماذج من الفواكه بس اوعي تغرقيها شيكولاته كتير كده ههههههههههههه وإلا ابنك هيدمنها وممكن تلاقيه ياكل الشيكولاته ويسيب الفاكهه وتبقي كأنك ماعملتي شيء ههههه [ندعوك للتسجيل في المنتدى أو التعريف بنفسك لمعاينة هذا الرابط] وسلامتكم ياقمرات ويارب موضوعي يكون عجبكم واللي تستفيد من التجربه تيجي تقولنا أولادها حبوا الفواكه ولا لأ
فقدت كلمة المرور؟
فقدت إسم العضوية؟
موضوع: أبنك مش بياكل الفواكه ومش بيحب غير الحلويات && حلك عندي تعالي 
الخميس يونيو 27, 2013 11:40 am