شفتوا عملت ايه فى عيد زواجى الاول ... بس محدش يضحك

308232/http://forums.fatakat.com/threadp18919145#post18919145" id="link">للتيراميسو

وانا اخدت الطريقة من العضوة ام مريم
ربنا يجازيها خير على الوصفة الجميلة دى بجد طعمه فوق الرائع

المقادير ...
كيس كريم شانتى
علبتين كريم كراميل
4 باكو بسكوت شاى


مج لبن دافى مدوب فيه [ندعوك للتسجيل في المنتدى أو التعريف بنفسك لمعاينة هذا الرابط] وسكر


الطريقة...
هنضرب الكريم شانتى والكريم كراميل فى الخلاط بلبن ساقع او ماية ساقعة


بعدين هنجيب البسكوت ونغمس بسكوتاية بسكوتاية فى اللبن بالنسكافيه ونرص فى البيركس


ونحط طبقة كريمة فوقيها


وبعدين نحط طبقة بسكوت كمان ومننساش نغمسه فى النسكافيه
وفوقيها طبقة كريمة واعملى كدة لغاية ماتقضى على البسكوت او الكريمة
وتزوقيها بالكراميل والكاكاو



وتدخليها الفريزر لغايةماتجمد
بجد طعمه تحفة انا خلصت الصنية دى فى يومين
وعملت منها لماما والكل بيشكر فيه

--------------------------------------------------------------------------------------------------------------------
نيجى بقى للفقرة الكوميدية وهى التورتة
والله لو شفتوها هتموتوا من الضحك
انامكسوفة اوريهالكوا
اللى مصبرنى فى الليلة دى ان الكيكة طلعت زى بتاعة المحلات بالظبط لونها فاتح وناعمة جدا
وربنا يجازيها خير العضوة مدام تامر بجد بشكرك جدا على الوصفة دى
وان شاء الله دى الوصفة اللى هثبت عليها فى كل التورت اللى هعملها ده يعنى لو كررتها تانى
انا اخدت منها الوصفة والله طلعت زى المحلات بالظبط ودى الحاجة الوحيدة اللى مفرحانى فى التورتة كلها
طبعا انا مش خبرة فى التزويق وباظت وانا بزوقها ده غير انها كانت رفيعة اساسا تقريبا استعملت صنية كبيرةعلى المقادير

المهم ندخل على المقادير
6 بيضات
وكوب ونص سكر (انا استعملت سكر بودرة)
وكوبايتين وربع دقيق
وبكنج بودر وفانيليا
ومعلقة خل
بسسسسسسسسسس
هى بتعمل كل طبقة لوحدها
بس انا كسلة وعملت المقادير مرة واحدة

المهم
اول حاجة نفصل الصفار عن البياض
ونحط نص كمية السكر على كل واحد
ونضرب البياض الاول لمدة دقايق هيبقى عامل زى الكريمة


بعدين نضرب الصفار 5 دقايق بعد مانطلع البياض لوحده


بعد كدة نحط البياض على الصفار ونضربهم دقيقتين


بعدين نحط الدقيق والبكنج بودر والفانيليا ونضربهم
وبعد مايضربوا ماتنسيش معلقة الخل عليهم وتضربيهم
دى اللى بتخليها ناعمة


وندخلها الفرن ونطلعها لما تستوى


ودى بعد مافتحتها شايفين بيضة وناعمة ازاى

وزوق يا معلم
بلاش اوريكوا التورتة عشان متضحكوش
بس هوريهالكوا بعد ماقطعتها يمكن الصدمة تخف شوية
كنت مزوقة نصها كريمة ونصها شكولاتة
بس بعد كدة باظت خالص والله مابهزر ولا ببالغ
شكلها كان وحش وقطعتها قبل ماحد يشوفها وبعدين صورتها
معلش قضا اخف من قضا

وده شكل السفرة كلها


طبعا الرومانسية دى عشان التصوير بس هههههههههههه
وبألف هنا وشفا يا احلى فتوكات
والى اللقاء فى وصفات اخري ه يعنى لو فكرت اعمل حاجة تانى
وطبعا كله بتعلمه منكم
ربنا يخليكم ليا