التورتة الاصفر الكنارى لاحلى صاصو فى الدنيا كل سنه وحبيب قلبى طيب

انا نزلت موضوع قبل كدة واتقفل لانة كان صور بس النهاردة هقدملكم الصور مع المقادير وطريقة العمل لكل صنف
ياااااااااااااااارب ما يتقفل تانى لاحسن هزعللللللل اووووووووووووووووووى


سامحونى لان السفرة مكانتش لسه مكتمله كنت مستعجله عشان اصورها وانزلها لاحلى فتوكات





وزى ماهو واضح انى عملت [ندعوك للتسجيل في المنتدى أو التعريف بنفسك لمعاينة هذا الرابط]


هقدملكم كل صنف بمقاديره وطريقتة



المقادير

1- 10 بيض كبير
2- 2 كوب الا ربع سكر
3- 2 كوب الا ربع دقيق
4- فانيليا
5- م بيكنج بودر

والمقادير دى لصنيه مقاس 28

انا جربت طريقة الفصل البياض عن الصفار وطلعت نفس النتيجة معايا من غير الفصل

الطريقة

1- اولا اضرب [ندعوك للتسجيل في المنتدى أو التعريف بنفسك لمعاينة هذا الرابط] مع الفانيليا على السرعة الاولى وابدا انزل السكر شويه بشويه لغايه ما الكميه كلها تخلص واحس ان السكر داب فى البيض ابدا ازود السرعه لغايه ما يصبح الخليط كريمى الشكل ويفتح لونة وكمان فيه حاجة بختبر بيها انه مش عايز ضرب تانى بحط نقطة على صابعى من الخليط لو وقعت افضل اضرب لغايه متثبت على صابعى
(و لازززم المضرب يكون ناشف من اى نقطة ميه )

2-انخل الدقيق مع البودر مرتين عشان يدخله هوا وابدا اضيف الدقيق معلقة معلقه واقلب بالراحة عشان الهوا ميطلعش من الكيكه تانى

3- اكون محضرة صنيه مدهونة بماده دهنيه ومفروشه بورق الزبدة
واكون مشغله الفرن من اول ما ابدا العمايل عشان يسخن ادخلها الفرن ومفتح قبل نص ساعه ولما تستوى متطلعيهاش من الفرن علطول عشان الهوا ميهبطهاش سيبها فى الفرن شويه لغايه ما تهدى
بعد ما تطلعيها اقلبيها على حاجة مخرمة عشان متلزقش منك


ما شاء الله هى طلعت معايا تلات راقات حشيتها كريمه والكريمه الصفرا دى حطيت نقطتين لون اكل صحى والكلمه سيحت شكولاته خام وكتبت بيها والورود دى انا شرياها جاهزة من عند الحلوانى لتزيين التورتة وبس




ثانيا [ندعوك للتسجيل في المنتدى أو التعريف بنفسك لمعاينة هذا الرابط]




انا كنت عامله مقدارين عشان عمله صنيتين

فانا هنزل مقادير الصنيه الواحده والصنيه دى الى فيها البيتزا

المقادير
1- 4 بيض كبير
2- كوب الا ربع سكر
3- كوب دقيق اشيل منه معلقتين دقيق واحط معلقتين كاكاو خام
4- فانيليا
5- م صغيرة بيكنج بودر


الطريقه
نفس تكنيك [ندعوك للتسجيل في المنتدى أو التعريف بنفسك لمعاينة هذا الرابط] بالظبط
ونفس الطريقه بس دى بتقعد فى الفرن من 10 : 12 دقيقه مبتغبش عشان المفروض انها رقيقة مبتحتاجش وقت كتير عشان تستوى

ثانيا اول ما اطلعها من الفرن اصبر عليها تلات اربع دقايق لحد ما تهدى عشان تتلف معايا بس مسبهاش تبرد خالص
اقلبها على ورقة زبدة مرشوشه بالسكر البودر وابدا افرد عليها طبقه الكريمه والفها وعن تجربه الاحسن تخلى وش الكيكه هو الى عليها الكريمه وناحيه جوا لان ضهرها بيبقى اسفنجى وبيبقى احسن فى التزيين لو كان هو الخارجى والتزيين حسب رغبتك
انا عملت فى الصورة الاولى غطيتها بكريمة بنى وعملت وردات صغيرة عليها كلها كان شكلها حلو اوى
والتانيه غطيتها بكريمه بيضا وبشرت عليها شكولاتة خام بنى



انا عملت مقدار واحد واتاكل نصه قبل ما نبدا عيد الميلاد اصلا كان حلو اوى

المقادير
1- كوب ماء مغلى
2- نص كوب زيت
3- كوب دقيق
4- تلات بيض وصفار بيضة
5- فانيليا

السيرب
1- 2 كوب سكر
2- كوب ماء
3- عصير لمونة

الطريقه

1- اغلى الميه واحط عليها الزيت يغلو سوا شويه وبعدين انزل بالدقيق لغايه ما العجينه تلم معايا وبعدين ارفعها من على النار

2- افضل اقلب فيها لغايه ما تبرد خالص وبعدين انزل بالبيض بيضه بيضه لحد ما اخلصو ومعاه الفانيليا

3- احطه فى قمع [ندعوك للتسجيل في المنتدى أو التعريف بنفسك لمعاينة هذا الرابط] مع مراعاه يكون الوش فورمته صغيرة عشان بيكبر بعد كده لما يستوى

4- اقليه فى زيت بارد خالص وما بين كل مرة والتانيه اسيب الزيت يبرد خالص

5- انزله فى الشربات ويقددددددددددم






انا جبت كيس بسبوسه حلو الشام الازرق جاهزة واتبعت التعليمات على الكيس



المقادير

1- 5 بيض
2- كوب سكر
3- بيكنج بودر
4- فانيليا
5- من 2.5 :3 كوب دقيق
6- 3 معالق كبار سمنه
7- لبن

الطريقه

1- نضرب السكر مع السمنه لغايه ما يتجانسو مع بعض
2- انزل بالبيض والفانيليا بيضة بيضه
3- انخل الدقيق والبودر وابدا اضيفهم هنلاقى العجينه تقلت انزل باللبن لغايه ما يصبح قوامها مناسب وبعدين ادخلها الفرن

الطريقه دى معتمده من ست الكل مامتى وياسلاااااااااااااااااااام لو خلطتى شويه دقيق ذرة مع الدقيق بتاعك هتطلع تجنن مامتى بتعملها جميله اوى وممكن بميه كمان مش لبن وبتطلع تحففففففففففففففه


سادسا [ندعوك للتسجيل في المنتدى أو التعريف بنفسك لمعاينة هذا الرابط]



مقادير [ندعوك للتسجيل في المنتدى أو التعريف بنفسك لمعاينة هذا الرابط]

1- كيلو دقيق
2- 3 م زيت
3- 2 كوب زبادى
4- معلقتين لبن بودر
5- م خميرة بيرة
6- ماء دافئ
7- رشه ملح ورشه سكر

الطريقه
1- نخلط الدقيق مع السكر والملح واللبن البودر ونقلبهم وبعدين نضيف الزيت والزبادى
2-ندوب الخميرة فى شويه مايه ونحطها ونبدا نعجن بماء بسيط جدا لغايه ما العجينه تلم
3- اسيب العجينه تخمر براحتها وبعدين اقطعها دى بتعمل معايا تلات صوانى كبار اقطعها تلات قطع واسيبها ترفع براحتها اول ما اجى افردها فى الصنيه وما تلمش يبقى كده تمام بس خلى بالك لازم تكون رقيقه عشان تكون رفيعه وحلوة

4- اجهز صلصله طماطم افردها على وش العجينه وانا كنت مجهزة لحمه مفرومة معصجة وفراخ متشوحة ببصل وطماطم وفلفل عملت واحده فراخ واتنين لحمه

5- اقطع شرايح فلفل وطماطم وزيتون اسمر مخلى وجبنه موتزريلاا على الوش وادخلها الفرن وبالف هنا



اى استفسار لاى فتوكة انا تحت امركم [ندعوك للتسجيل في المنتدى أو التعريف بنفسك لمعاينة هذا الرابط] بس ارجوكم ادعولى ان ربنا يرزقنى بالذريه الصالحه ويباركلى فى ابنى وجوزى والتقييييييييم بقى لاحسن اعيط بعد التعب ده كله [ندعوك للتسجيل في المنتدى أو التعريف بنفسك لمعاينة هذا الرابط]