و حشتوونى أوووى يا أحب صحبه لقلبى وجايه النهارده اتكلم معاكم فى نعمه من نعم ربنا علينا بس فى كتير اووى بيغفلوا عنها وهى نعمه الابتلاء هتقوليلى [ندعوك للتسجيل في المنتدى أو التعريف بنفسك لمعاينة هذا الرابط] هقولك والله نعمه .. المؤمن مصاب وأكيد فى حياه كل واحده فينا متاعب يعنى الحياه مش بتكون وردى علطول بس كل أمر المؤمن خير وكله من عند الله ولا إعتراض لنا على ما يجريه علينا من قدر حتى نكون من المخبتين والخاشعين .. بسم الله الرحمن الرحيم ( وبشّر المخبتين الذين إذا ذكر الله وجلت قلوبهم والصابرين على ما أصابهم والمقيمين الصلاه ومما رزقناهم ينفقون ) صدق الله العظيم.
اختى وحبيبتى فى الله البلاء نعمه فى صورة نقمه ..
يعنى لو ربنا أصابك بابتلاء اصبرى
لو غاب عنك شئ نفسك فيه اصبرى
لو ابتلاكى بمرض او فقدان عزيز او شدة اصبرى
لو اتأخرتى فى الزواج او الانجاب اصبرى
قولى الحمد لله ردديها كتيير صدقينى هتريحك .. قولى ان ربنا اختارك وابتلاكى علشان
بيحبك وقولى الحمد لله أمرى كله خير .. افهمى رسايل ربنا ليكى متخليش حاجه تعدى كدة
اعرفى ان كدة ربنا والله بيحبك .. حولى الابتلاء ده لقوة واتفائلى واصبرى وخليكى واثقه ان ربنا هيعوضك
وهيبدل حزنك فرح ان شاء الله .
قال امام المتقين كان عمر بن الخطاب رضي الله عنه يقول
"ما أصبت بمصيبة إلا كان لله علي فيها أربع نعم: أنها لم تكن في ديني، وأنها لم تكن أكبر منها، وأنني لم أحرم الرضا عند نزولها، وأنني أرجو ثواب الله عليها\".
يعنى اصبرى علشان ربنا يحبك ويكرمك ويرحمك
عن رسول الله صلى الله عليه وسلم إن اهل العافيه حين يرون ما تفضل به رب العزة على أهل البلاء يتمنون لو أنهم رجعوا إلى الدنيا ونشرت اجسادهم بمناشير حتى يفوزا بمثل ما فاز به الصابرين على البلايا
( معنى الحديث )
هذكركم بحكايه هتتاكدوا منها ان البلاء نعمه كان فيه اخت ملتزمه مخطوبه
ربنا ابتلاها بورم على المبيض وكان لازم يتم استئصاله ويوم العمليه حضر خطيبها
وامه فالدكتور اللى عمل العمليه اخ ملتزم سمع بالصدفه أم الخطيب بتقول لابنها
بص يا ابنى دلوقتى خطيبتك هتبقى بمبيض واحد يعنى فرصه انجابها هتقل وممكن متخلفش اصلا
وانا عايزه افرح بيك لازم تفسخ خطوبتك وللاسف الشاب سمع كلام امه وبعد شفاء
البنت اتقدملها الدكتور اللى عمل لها العمليه وحبها جدا واتجوزها عارفين ايه اللى حصل ...
ربنا رزقهم بتوأم زى القمر وخطيبها السابق بيتعالج من العقم من سنوات .. شوفتى ابتلاءها
ومرضها نعمه ازاى عرفت اصل خطيبها ورزقها الله بالزوج والذريه
شوفى ربنا جميل اد ايه .. علشان كده لازم تفهمى رسايل ربنا هو ابتلاكى علشان بيحبك .. علشان عايزك تكونى فى منزله أعلى علشان تتدعيه وتتصدقى اكتر واكتر ...
عايزه تنامى وانتى مرتاحه البال متفكريش فى المتاعب والالام .. فكرى فى نعم ربنا عليكى وقولى الحمد لله وخليكى فاكره دايما قول شيخنا الجليل الشعراوى " إذا اصابك مصيبه لا تنظر إلى ما أخذ منك ولكن انظر إلى ما بقى لك "
فلها سر عجيب لكشف الكرب ورفع المحن ومتحزنيش على أى ابتلاء .. متفكريش فى اللى ربنا
حرمك منه فكرى دايما فى نعم ربنا عليكى متحسديش الناس وتغفلى عن اللى ربنا منّ عليكى بيه
الاعمى بيتمنى يشوف الدنيا
والاصم بيتمنى يسمع الاصوات
والقعيد نفسه يمشى ولو خطوات
والابكم نفسه ينطق ولو كلمات
وانتى بتشوفى وبتسمعى وبتمشى وتتكلمى وبعد كل النعم ديه لو ربنا ابتلاكى
تقولى فى نفسك اشمعن انا.. بس اختى الدنيا مكملتش لحد وربنا ابتلاكى علشان بيحبك
فارضى باللى ربنا كتبهولك هتكونى أغنى الناس وأسعدهم.
طب ازاى اوصل للدرجه ديه من الرضا ...؟
أول حاجه انك تكونى مؤمنه بقضاء الله وقدرة علشان متتمنيش تأخير ما عجل
او تعجيل ما أخر ..وتكونى مؤمنه ان الدنيا كلها ملك لله عز وجل يعطى من
يشاء ويمنع عن من يشاء .. وأخر حاجه انك تعرفى حال الدنيا وأد ايه هى صغيرة
[ندعوك للتسجيل في المنتدى أو التعريف بنفسك لمعاينة هذا الرابط]
قال عمر رضى الله عنه "أدركنا أفضل عيشنا بالصبر "
اللهم أفرغ علينا صبرا وثبت اقدامنا واجعلنا من عبادك المخبتين .. المذعنين لحكمك والراضين بقضائك ...آمييين يارب العالمين
ياريت اكون قدرت أوصل جزء بسيط من اللى فى قلبى وواثقه ان كلامى هيلمسك
وهتحسيه اووى ويارب يرزقكوا أفضل ما تتمنوا وكل اللى طالباه دعوه من القلب بصلاح الحال والصحه والستر
(اللهم انى أعوذ بك من زوال نعمتك وتحول عافيتك وفجاءه نقمتك وجميع سخطك) فى حفظ الله ورعايته والسلام عليكم ورحمه الله وبركاته بحبكم فى الله [ندعوك للتسجيل في المنتدى أو التعريف بنفسك لمعاينة هذا الرابط] قيمى لو استفدتى وكلماتى دخلت قلبك 
فقدت كلمة المرور؟
فقدت إسم العضوية؟
موضوع: اإابتلاء نعمه .. ايوه ... وأكيييد ربنا بيحبنى 
الأربعاء يونيو 26, 2013 3:54 am