مناقشات مون لايت

بسم الله الرحمن الرحيم

السلام عليكم و رحمة الله و بركاته:
الاعضاء الكرام حابة اعمل متل برامج التلفزيون و الراديو يعني
بما انو المنتدى بضم ***يات مختلفة و اعمار و افكار و بيئات متنوعة بظن انو النقاش رح يكون ممتع
الفكرة رح أطرح موضوع للنقاش و ابداء الرأي <شو ما كان رأيك قول>
وكل ما أخد الموضوع كفايتو من المناقشة نطرح موضوع تاني
و اللي عندو موضوع بحب نتشارك فيه يطرحو او اذا حب يبعتلي ياه على البريد الخاص <رسالة خاصة>و انا بطرحو اذا ما حب يقول اسمو
بصراحة انا متابعة لمتل هذه الفكرة على الراديو و كتير بحبها بتمنى تحبوها و تعطوني رأيكن
و مشان ما نضيع وقت رح أطرح موضوع <التمييز بين البنت و الشب>[ندعوك للتسجيل في المنتدى أو التعريف بنفسك لمعاينة هذه الصورة]
كتير موجودة هالظاهرة بمجتمعنا و لا يكاد يخلو بيت منها
الشب بصير و بصير يعمل شو ما بدو و يدرس شو ما بدو و يشتغل <او ما يشتغل> على كيفو
بس البنت اذا بدا تساوي شي غالبا الجواب انتي بنت و ما بصير <عيب>
اذا بدا تدرس شي بتحلم فيه من زمان يا بنتي فكري انتي بكرة اذا تزوجتي و صار عندك ولاد ما رح تقدري تشتغلي بمجال دراستك < ليش ما بعرف>
و اذا وافقوا أهلها تشتغل اذا تأخرت خمس دقايق يا ويل و اذا قالت تعبانة يا وليين
و اذا قصرت بشي بالبيت ما بتخلص حكي شهر كامل
بصراحة هالموضوع حارفلي قلبي
انتو شو رأيكن ولا تنسوا <اختلاف الرأي لا يفسد للود قضية>
اتمنى الصراحة ثم الصراحة ثم الصراحة[ندعوك للتسجيل في المنتدى أو التعريف بنفسك لمعاينة هذه الصورة]

انشالله الموضوع ينال استحسان عند الكل

بعون الله نبدأ[ندعوك للتسجيل في المنتدى أو التعريف بنفسك لمعاينة هذه الصورة]