اسفة على قلة ادبي

قلة أدب!!!
إنك تروح للمسجد بملابس رياضة أو قميص نوم بينما تروح لربعك بثوب مكوي ومعطر يشق الخشم !!!

قلة أدب !!!

إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم
شهور ماسمعوا صوتك !!! <<من زينك أنت وصوتك
قلة أدب !!!
تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب ( قليلة أدب ) بينما
أهلك لو يبون مشوار ساعة وحدة قلت : ( يا كثر الليموزينات!!!) قلة أدب !!!
إن الواحد يضبط ساعته على الدوام بينما صلاة الفجر مايدري متى وقت أذانها !!!

قلة أدب !!!إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه ريال ولو يهديه واحد شريط إسلامي سجل عليه ( بابا فين ) !!! قلة أدب !!!
اذا جيتي تطلعين لعرس او لصديقاتك تتزينين وتتعطرين وما تتزيني لزوجك<<<<واللي هو اهم منهم كلهم

قلة أدب !!!
ان الوحده تقعد على التلفون ساعه وتقعد في صلاتها دقيقه

قلة أدب !!!
اذاطلعت البنت من البيت وهي كاشخه وريحة عطرها واصله اخر الشارع وتقول للشباب لا تلحقوني!!

قلة أدب !!!
إن الواحد يشوف ( قلة الأدب ) وما يقول عنها ( قلة أدب ) !!!

قلة أدب !!! قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه
قلة أدب !!!
انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر قلة أدب !!!
انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك

قلة أدب !!!
لماتشوف واحد في الشارع وتستصغره ولا تسلم عليه

قلة أدب !!!
اذا شفت صديقك في ورطه ولاتساعده

قلة أدب !!!
اذا قدم لك صديقك خدمه وأنكرت فضله عليك

قلة أدب !!!
انك تحط سيارتك عند باب جارك ..وعندك مكان ابعد شوي..

قلة أدب !!!
لما تجلس بمكان عام تتقهوى انت وعيالك..وتقومون وزبايلكم وراكم..
مع ان صندوق الزباله حولك...
قلة أدب !!!
انك تكون مسئول عن عمل يتوقف اداؤه عليك..وتطنش وتتأخر
ويتحمل الباقين مسئولية إهمالك قلة أدب !!!
انك تطولي لسانك على الشغاله..وهي بسن امك علشان شغله ممكن تسويها بنفسك((ليس منا من لم يوقر كبيرنا))

قلة أدب !!!
لما ترفعي صوتك بالسيارة ومع السواق وتضحكين وتقهقهين ..وكأنه محرم لكِ ...وكنه من بقيت اهللك

قلة ادب !!!
لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف

قلة أدب !!!
لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه

قلة أدب !!!
انك متعلم وحاصل على شهاداة عليا..وماتفقه اقل شي في دينك

قلة أدب !!!
أنه ماتقرأ القرآن إلا من الجمعه للجمعة عشان سورة الكهف ..

قلة أدب !!!
ان نسهرساعات على النت ولا نصلي ولو ركعة لله..

وأعذروني على قلة ادبي
تحياتي...(Beto0o)


[ندعوك للتسجيل في المنتدى أو التعريف بنفسك لمعاينة هذه الصورة]