العبارة فى السيجارة

[align=center] بسم الله الرحمن الرحيم [/align]

بقى شئ عادى جدا تصحى الصبح ولسه بتقول يا فتاح يا عليم وتفكر تطلع البلكونة مثلا او لو نازل رايح الشغل او كليتك لازم تسمع الكلمتين دول (عملت اصطباحة جامدة ولسه مونونة معايا) لا والادهى من كده ان الواجب الرسمى فى الافراح دلوقتى بقى سيجارة الحشيش والمزة والبيرة وما احلى لو زورت حد من حبايبنا فى بيته لو ماقامش معاك بالواجب طبعا بسيجارتين وبرشامة وتبقى طالع من عنده عميان يقلك الراجل ده مش كويس وتبقى البرنس والبريمو والدنيا بتشيد بيك لماا تشربلك نص فرش فى القاعدة الواحدة لا وفيه اللى بيتباهى دلوقتى ويقلك انا بصطبح بعشرة اتناشر حجر وانتو بقى ماتعرفوش ان فيه كتير منهم دلوقتى بيقلك ويقعد يقنعك ان ده علاج وشئ جميل جدا يعنى اللى بيقلك دى منبهات للجسم عشان تركز واللى يقلك دى مسكنات من هموم الدنيا واللى يقلك بتخلينى طاير .....والمصيبة بقى اللى قعدت معاه مرة ومقتنع واقنع اللى حواليه ان المخدرات حلاااااال...

سؤاااال كنا بنسمعه (ياترى حضرتك بتدخن) بس ده كان زمان دلوقتى بقى
بيسالك(انت بتخدر ياباشا) لا وايه دا انا بشوف اطفال عندهم 9 و10 سنين وبيخدرو ووالله اعرف ناس مابيلاقوش ياكلو طول النهار وبيشترو الحشيش وده مش تقريب للواقع ده فعلا موجود وانا متاكد ان ده نص الواقع المؤلم بسز
انا متاكد ان الدنيا لسه بخير بس ياترى ايهما غلب على الاخر خاصة هذه الايام(اللهم ارحمنا وهون علينا واشفنا من امراضنا وامراض عقولنا امراض معتقداتنا واهدى كل المسلمين)